देवेंद्र फडणवीस व अजित पवारांच्या नेतृत्वात राज्याचा विकास होईल

महाराष्ट्राचे नवे मुख्यमंत्री देवेंद्र फडणवीस व उपमुख्यमंत्री अजित पवार यांच्या नेतृत्वात राज्याचा विकास निश्चित होईल असा विश्वास केंद्रीय मंत्री नितीन गडकरी यांनी येथे व्यक्त केला आहे.

लोकमत न्यूज नेटवर्कनागपूर: महाराष्ट्राचे नवे मुख्यमंत्री देवेंद्र फडणवीस व उपमुख्यमंत्री अजित पवार यांच्या नेतृत्वात राज्याचा विकास निश्चित होईल असा विश्वास केंद्रीय मंत्री नितीन गडकरी यांनी येथे व्यक्त केला आहे. नागपुरात आयोजित खासदार सांस्कृतिक महोत्सवाच्या पत्रपरिषदेत ते बोलत होते.राजकारण व क्रिकेटमध्ये काहीही घडू शकतं, असं मी गेल्याच आठवड्यात बोललो होतो, ते खरं ठरलं, असं स्मरण देत त्यांनी राज्यातील चालू राजकीय घडामोडींवर कोपरखळी मारली. राज्यपालांनी दिलेल्या मुदतीत फडणवीस व पवार आपले बहुमत सिद्ध करतील व त्यांच्या नेतृत्वात राज्याला स्थिर सरकार मिळेल असे ते पुढे म्हणाले व त्यांच्या वाटचालीसाठी शुभेच्छा दिल्या. या व्यतिरिक्त अधिक भाष्य करणे या ठिकाणी उचित होणार नाही, असे सांगून त्यांनी राजकीय विषयाला विराम दिला.