हायकोर्टाच्या रोस्टरमध्ये बदल

मुंबई उच्च न्यायालयासह संलग्नित तिन्ही खंडपीठातील न्यायमूर्ती व त्यांच्या जबाबदार्‍यांमध्ये नियमित प्रक्रियेंतर्गत फेरबदल करण्यात आला आहे. उन्हाळी सुट्या संपल्यानंतर म्हणजेच येत्या

नागपूर : मुंबई उच्च न्यायालयासह संलग्नित तिन्ही खंडपीठातील न्यायमूर्ती व त्यांच्या जबाबदार्‍यांमध्ये नियमित प्रक्रियेंतर्गत फेरबदल करण्यात आला आहे. उन्हाळी सुट्या संपल्यानंतर म्हणजेच येत्या ९ जूनपासून नवीन बदल लागू होणार आहे.

नागपूर खंडपीठात न्यायमूर्तीद्वय भूषण गवई व सुनील शुक्रे यांच्याकडे सर्व जनहित याचिका, लेटर्स पेटेंट अपील्स, फस्र्ट अपील्स, टॅक्स अपील्स व अन्य न्यायपीठाला दिल्या नाहीत अशा दिवाणी रिट याचिकांची जबाबदारी सोपविण्यात आली आहे. न्यायमूर्तीद्वय भूषण धर्माधिकारी व चंद्रकांत भडंग हे सर्व प्रकारच्या फौजदारी प्रकरणांचे कामकाज सांभाळणार आहेत.

तसेच, न्यायमूर्तीद्वय वासंती नाईक व विश्‍वास जाधव यांच्या तिसर्‍या युगल न्यायपीठाकडे १९९७ पर्यंतच्या, १९९९, २00१ ते २00५ आणि २0११ ते २0१३ पर्यंतच्या दिवाणी रिट याचिकांचे कामकाज सोपविण्यात आले आहे. गेल्या ३ मार्च रोजी अतिरिक्त न्यायमूर्तीपदी नियुक्ती झालेले विश्‍वास जाधव नागपूर खंडपीठात प्रथमच कामकाज करणार आहेत.

न्यायमूर्ती अरुण चौधरी यांच्याकडे सेकंड अपील्स व अन्य न्यायपीठाला दिली नाहीत अशी दिवाणी प्रकरणे, न्यायमूर्ती अशोक भंगाळे यांच्याकडे २000, २00२, २00४, २00६, २00८, २0१0, २0१२ व २0१४ मधील दिवाणी रिट याचिका, न्यायमूर्ती प्रसन्न वराळे यांच्याकडे अपील्स अगेन्स्ट ऑर्डर्स, दिवाणी पुनर्विचार अर्ज, किरकोळ दिवाणी अर्ज, फस्र्ट अपील्स, न्यायमूर्ती मदनलाल तहलियानी यांच्याकडे नियमित जामीन अर्ज, अटकपूर्व जामीन अर्ज व जामीनासंदर्भातील इतर अर्ज, वर्ष २000 पर्यंतच्या व २0११ नंतरच्या सर्व फौजदारी अपील्स, न्यायमूर्ती प्रदीप देशमुख यांच्याकडे फौजदारी रिट याचिका, सीआरपीसी ४८२ अंतर्गतचे फौजदारी अर्ज, २00१ ते २0१0 पर्यंतच्या फौजदारी अपील्स व अन्य न्यायपीठाला दिली नाहीत अशी फौजदारी प्रकरणे,

तर न्यायमूर्ती झेड. ए. हक यांच्याकडे १९९७ ते १९९९, २00१, २00३, २00५, २00७, २00९ व २0११ ते २0१३ पर्यंतच्या दिवाणी रिट याचिका आणि दिवाणी अवमानना याचिकांची जबाबदारी राहणार आहे.

यापूर्वी नागपूर खंडपीठात कार्यरत न्यायमूर्ती ए. व्ही. निरगुडे व न्यायमूर्ती पी. आर. बोरा यांची औरंगाबाद खंडपीठ, तर न्यायमूर्ती पी. डी. कोदे, न्यायमूर्ती आर. के. देशपांडे व न्यायमूर्ती अतुल चांदूरकर यांची मुंबई उच्च न्यायालयात बदली करण्यात आली आहे. (प्रतिनिधी)