बोर्इंगचा आशिया-पॅसिफिकवर ‘फोकस’

नागरी उड्ड्यण क्षेत्राची दरवर्षी जवळपास २७ टक्क्यांनी वाढ होत आहे. ४० टक्क्यांपेक्षा जास्त मागणी आशिया-पॅसिफिक

दिनेश केसकर यांची माहिती : अटीनुसार एमआरओ व वैमानिक प्रशिक्षण स्कूलची स्थापनानागपूर : नागरी उड्ड्यण क्षेत्राची दरवर्षी जवळपास २७ टक्क्यांनी वाढ होत आहे. ४० टक्क्यांपेक्षा जास्त मागणी आशिया-पॅसिफिक क्षेत्रातून असल्यामुळे बोर्इंगने या क्षेत्रावर विशेष लक्ष केंद्रित केल्याची माहिती बोईंगच्या आशिया पॅसिफिक अ‍ॅन्ड इंडियाचे वरिष्ठ उपाध्यक्ष (विक्री) डॉ. दिनेश केसकर यांनी शनिवारी लोकमतशी बोलताना दिली. ‘वाईल्ड-बॉडीज’मध्ये बोर्इंग अग्रणीडॉ. केसकर म्हणाले, आशिया पॅसिफिकमध्ये चार वैमानिक (वाईल्ड-बॉडीज) असलेल्या विमानाच्या निर्मितीत बोर्इंग अग्रस्थानी तर दोन वैमानिक (नॅरो-बॉडीज) असलेल्या विमानांच्या निर्मितीत बोर्इंगचा ५० टक्के वाटा आहे. ‘वाईल्ड-बॉडीज’ वर्गवारीत जेट एअरवेज, एअर इंडिया, अमिरात, सिंगापूर एअरलाईन्स तर ‘नॅरो-बॉडीज’ वर्गवारीत इंडिगो, स्पाईस, स्पाईस जेट, जेट एअर, थायर एअरवेज, क्वॉन्टास एअरवेज हे मुख्य ग्राहक आहेत. ‘वाईल्ड-बॉडीज’मध्ये बी-७७७-एलआर आणि बोर्इंग ७७७-३०० ईआर या विमानांचा समावेश आहे. दोन्ही विमानांची प्रवासी क्षमता २४० ते ३१० एवढी आहे. भारताच्या कोणत्याही शहरातून उड्डाण भरल्यानंतर न थांबता सिडनी (आॅस्ट्रेलिया) आणि न्यू जर्सी (अमेरिका) येथे पोहोचू शकते. याशिवाय ‘नॅरो-बॉडीज’ वर्गवारीत बोर्इंगच्या बी-७८७-८, बी-७८७-९ आणि ७३७-८०० या विमानांचा समावेश असून प्रवासी क्षमता १४५ ते १८५ एवढी असल्याचे डॉ. केसकर यांनी स्पष्ट केले.अटीनुसार एमआरओ व वैमानिक प्रशिक्षण स्कूलविमान विकताना पूर्वअटीनुसार बोर्इंगने नागपुरातील मिहानमध्ये एमआरओ आणि मुंबईतील सांताक्रूझ एअरबेस येथे वैमानिक स्कूलची स्थापना केली. दोन्ही सुविधा कार्यान्वित झाल्या असून एअर इंडियाला हस्तांतरित केल्या आहेत. एमआरओमध्ये प्रत्येक तीन वर्षांनंतर विमानांची तपासणी (सी-चेक) आणि विमानातील सुट्या भागांची पुनर्जुळणी (डी-चेक) या सुविधा आहे. स्कूलमध्ये ४०० वैमानिकांना प्रशिक्षण देण्यात आल्याचे केसकर यांनी सांगितले. बोर्इंगकडे ५५०० विमानांची आॅर्डरबोर्इंग ‘वाईल्ड बॉडीज’ मोठे विमान अर्थात ए-३८० सारखे विमान बनविण्यास अनुकूल नाही. कारण या विमानांची प्रवासी संख्या ८०० एवढी असल्यामुळे असे विमान पूर्ण क्षमतेने उड्डाण भरत नाही. काहीच कंपन्यांची या विमानाला पसंती आहे. त्यामुळे बोर्इंगची पूर्ण क्षमतेने उड्डाण भरणाऱ्या विमानांना पसंती असल्याचे त्यांनी सांगितले. गेल्या वर्षी बोर्इंगने विभिन्न विमान कंपन्यांना ७३५ विमाने विकली आहेत. सध्या कंपनीकडे ५५०० विमानांची आॅर्डर आहेत. भारतात नागरी उड्ड्यण हब म्हणून उदयास येण्याची नागपुरात क्षमता आहे. हे बोर्इंगने तयार केलेल्या एमआरओने सिद्ध होणार असल्याचे डॉ. केसकर म्हणाले.