केळवद : पाेलीस ठाण्याच्या हद्दीतील झिल्पी (ता. कळमेश्वर) शिवारात एका अनाेळखी व्यक्तीचा मृतदेह आढळून आला. ही घटना साेमवारी (दि. १३) सायंकाळी ६.४५ वाजताच्या सुमारास उघडकीस आली.
झिल्पी शिवारात बसथांब्याकडून गावाकडे जाणाऱ्या डांबरी राेडलगत अनाेळखी व्यक्तीचा मृतदेह असल्याची माहिती मिळताच केळवदचे पाेलीस निरीक्षक राहुल साेनवणे यांनी घटनास्थळ गाठून पंचनामा केला. मृत व्यक्ती अंदाजे ४० ते ४५ वर्षे वयाेगटातील असून, त्याने अंगात गुलाबी रंगाचा शर्ट, पांढऱ्या रंगाचाफूल पॅन्ट परिधान केला असून, त्याच्या नाकातून व ताेंडातून पांढरा फेस आलेला दिसून आला. मृताच्या उजव्या हाताच्या बाेटात कासव चिन्ह असलेली पांढऱ्या धातूची अंगठी, कमरेला काळा तुटलेला कमरपट्टा व पायात विटकरी रंगाची चपल दिसून आली. या वर्णनातील व्यक्तीबाबत माहिती असल्यास केळवद पाेलीस ठाण्यात संपर्क साधावा. याप्रकरणी केळवद पाेलिसांनी अकस्मात मृत्यूची नाेंद केली असून, तपास पाेलीस निरीक्षक राहुल साेनवणे करीत आहेत.