देशात हायकोर्ट न्यायमूर्तींची ४०४ पदे रिक्त

High court Nagpur News देशामध्ये हायकोर्ट न्यायमूर्तींची ४०४ पदे रिक्त आहेत. त्यात २४६ कायम तर, १५८ अतिरिक्त पदांचा समावेश आहे.

ठळक मुद्देअलाहाबाद पहिल्या क्रमांकावर न्याय विभागाद्वारे आकडेवारी जाहीर

लोकमत न्यूज नेटवर्क
नागपूर : देशामध्ये हायकोर्ट न्यायमूर्तींची ४०४ पदे रिक्त आहेत. त्यात २४६ कायम तर, १५८ अतिरिक्त पदांचा समावेश आहे. केंद्रीय न्याय विभागाद्वारे १ ऑक्टोबर रोजी ही आकडेवारी जाहीर करण्यात आली.
देशात २५ हायकोर्ट कार्यरत असून त्यांना न्यायमूर्तींची एकूण १०७९ (कायम-८१५, अतिरिक्त-२६४) पदे मंजूर आहेत. सध्या सर्व हायकोर्टांमध्ये एकूण६७५ (कायम-५६९, अतिरिक्त-१०६) न्यायमूर्ती कार्यरत आहेत.
रिक्त पदांमध्ये अलाहाबाद हायकोर्ट पहिल्या क्रमांकावर आहे. या हायकोर्टात न्यायमूर्तींच्या १६० पदांपैकी सर्वाधिक ६० पदे रिक्त आहेत. कोलकाता हायकोर्टात ७२ पैकी ३७, पंजाब व हरयाणा हायकोर्टात ८५ पैकी ३१ तर, पाटणा हायकोर्टात ५३ पैकी ३० पदे रिक्त आहेत. मणिपूर (५), मेघालय (४), त्रिपुरा (४) व सिक्कीम (३) या चार हायकोर्टातील सर्व पदे भरली आहेत.

मुंबई हायकोर्टात २८ पदे रिक्त
मुंबई हायकोर्टात २० कायम व ८ अतिरिक्त अशी एकूण २८ पदे रिक्त आहेत. या हायकोर्टाला ७१ कायम व २३ अतिरिक्त अशी एकूण ९४ पदे मंजूर असून सध्या ५१ कायम व १५ अतिरिक्त असे एकूण ६६ न्यायमूर्ती कार्यरत आहेत.

सर्वोच्च न्यायालयात ४ पदे रिक्त
सर्वोच्च न्यायालयाला न्यायमूर्तींची ३४ पदे मंजूर असून सध्या ३० न्यायमूर्ती कार्यरत आहेत. ४ पदे रिक्त आहेत.