एसटी प्रवास महागणार, डिझेल दरवाढीचा प्रवाशांना माेठा फटका

ST Bus Ticket Price Hike news: आर्थिक अडचणीत सापडलेल्या महाराष्ट्र राज्य मार्ग परिवहन महामंडळाला डिझेल दर वाढल्यामुळे आणखी आर्थिक फटका बसू शकताे. 

लोकमत न्यूज नेटवर्क
मुंबई : डिझेलच्या किमती वाढल्याने एसटी प्रवासही आता लवकरच महाग होणार आहे. दरवाढीचा प्रस्ताव विचाराधीन असल्याची माहिती परिवहन मंत्री प्रताप सरनाईक यांनी सोमवारी दिली. मात्र, तातडीने भाडेवाढ लागू केली जाणार नसल्याचे त्यांनी स्पष्ट केले.

आर्थिक अडचणीत सापडलेल्या महाराष्ट्र राज्य मार्ग परिवहन महामंडळाला डिझेल दर वाढल्यामुळे आणखी आर्थिक फटका बसू शकताे. 

फटका कशामुळे?
डिझेलच्या दरात प्रतिलिटर ३.१० रुपयांनी वाढ झाली आहे. डिझेलचा दर ८८.२१ रुपयांवरून ९१.३१ रुपये प्रति लिटरपर्यंत पोहोचला आहे.
यामुळे एसटीच्या खर्चात दररोज सुमारे ३३.७० लाखांची वाढ होत असून, त्याचा मासिक परिणाम जवळपास १० कोटी रुपये आणि वार्षिक १२४ कोटी रुपयांचा फटका बसणार असल्याचे त्यांनी सांगितले.