एका विद्यार्थिनीसह दोन महिलांनी भोंदू अशोक खरातविरोधात अत्याचाराचा गुन्हा दाखल केल्यानंतर सोमवारी आणखी तीन गुन्हे दाखल झाल्याची माहिती एसआयटीने दिली. त्यामुळे बाबाविरोधात आता एकूण सहा गुन्हे दाखल झाले असून त्यांची संख्या अजून वाढण्याची शक्यता आहे. रुपाली चाकणकर या खरातच्या ट्रस्टवर पदाधिकारी होत्या. त्यांना देखील चौकशीसाठी बोलावलं जाण्याची शक्यता सूत्रांनी वर्तवली आहे. याच दरम्यान चाकणकर यांनी यावर स्पष्टीकरण दिलं आहे.
"खरात प्रकरणात मी पहिल्या दिवशीच भूमिका स्पष्ट केली आहे, सत्य समोर येईलच" असं म्हटलं आहे. रुपाली चाकणकर यांनी आपल्या फेसबुक अकाऊंटवरून याबाबत एक पोस्ट करत व्हिडीओ देखील शेअर केला आहे. "गेली वीस बावीस वर्ष सामाजिक, राजकीय क्षेत्रात काम करताना , जसजसा प्रगतीचा आलेख वाढत गेला तसतशी चिखलफेक करणारी विकृती वाढत गेली. प्रत्येक वेळी संयमाने शांतपणाने टीका सहन केली, वैयक्तिक टीका करणं हे माझ्या रक्ताताच नाही. पण आता सगळ्या मर्यादा ओलांडून माझ्यासह कुटुंबाला जो त्रास दिला जातोय ते भयावह आहे."
"ज्यांनी हा आयुष्याचा प्रवास जवळून पाहिलाय, ते सर्व संपर्क करून 'आम्ही सोबत आहोत' हे आवर्जून सांगतात. त्या सर्वांचे आभार. खरात प्रकरणात मी पहिल्या दिवशीच भूमिका स्पष्ट केली आहे. तपास निष्पक्षपणे व्हावा यासाठी आयोगाच्या अध्यक्ष पदाचा राजीनामा दिला व त्यानंतरही माझ्यावर केलेल्या आरोपांचे पुराव्यासह स्पष्टीकरण दिले आहे. सत्य समोर येईलच. धायरीकर तुमचे मनापासून धन्यवाद!" असं पोस्टमध्ये म्हटलं आहे.
नेमकं काय घडलं?
रुपाली चाकणकर यांच्या बोटाला नेमकी कशामुळे जखम झाली याबाबत देखील आता काही लोकांनी माहिती दिली आहे. नेमकं काय घडलं हे सांगितलं आहे. "ताई आमच्याकडे दरवर्षी आरतीसाठी येतात. गाडीचा दरवाजा बंद करताना ताईंचं बोट अडकलं. बोटातून रक्त येत होतं. टिश्यू पेपर बोटाला लावून ताई आरतीला आल्या. मंडळाकडे याचा व्हिडीओ आहे. यामध्ये ताईंच्या हाताला जखम झालेली दिसेल. आता जो फोटो व्हायरल होत आहे तो ध चा मा केलं आहे. प्रत्यक्ष जे घडलं ते आता चुकीच्या पद्धतीने दाखवलं जात आहे" असं विघ्नहर्ता मित्रमंडळाच्या अध्यक्षाने सांगितलं आहे.
Web Summary : Rupali Chakankar denies involvement in the Ashok Kharat case, stating she resigned to ensure impartial investigation. She addresses personal attacks and clarifies the finger injury, attributing it to an accident during a ritual.
Web Summary : रूपाली चाकणकर ने अशोक खरात मामले में शामिल होने से इनकार किया, कहा कि उन्होंने निष्पक्ष जांच सुनिश्चित करने के लिए इस्तीफा दे दिया। उन्होंने व्यक्तिगत हमलों को संबोधित किया और उंगली की चोट को एक रस्म के दौरान हुई दुर्घटना बताया।