शिंदेसेनेचे आमदार संजय गायकवाड यांनी शिवाजी कोण होता या पुस्तकाचे प्रकाशक प्रशांत आंबी यांनी दिलेल्या धमकीमुळे राज्यात मोठ्या वादाला तोंड फुटलं आहे. आता या प्रकरणी संजय गायकवाड यांच्याविरोधात गुन्हा दाखल करण्यात यावा, तसेच प्रकाशक प्रशांत आंबी यांनी सुरक्षा देण्यात यावी अशी मागणी काँग्रेसचे नेते विजय वडेट्टीवार यांनी केली आहे.
या संदर्भात आपली भूमिका मांडताना विजय वडेट्टीवार म्हणाले की, बहुजनांचे राजे छत्रपती शिवाजी महाराजांच्या व्यक्तिमत्त्वाचे वास्तव चित्रण कॉ. गोविंद पानसरे यांनी शिवाजी कोण होता? या पुस्तकात केले आहे. या पुस्तकाचे प्रकाशक तथा पुरोगामी विचारांचे कार्यकर्ते प्रशांत आंबी यांना सत्ताधारी पक्षाचे आमदार संजय गायकवाड यांनी "पानसरेचे जे हाल केले, तसे हाल करू" अशी धमकी दिली आहे. छत्रपती शिवरायांचे विचार जनमानसात रुजवण्यासाठी कॉ. गोविंद पानसरे यांनी संपूर्ण जीवन समर्पित केले. अशा महान विचारवंताचा धर्मांध शक्तींनी खून केला, त्यांच्या गुन्हेगारांना अजूनही शिक्षा झालेली नाही. असे असताना स्वतःला छत्रपती शिवरायांचे वंशज म्हणवून घेणाऱ्या आमदाराने त्यांच्याच हत्येचा दाखला देत इतरांना धमक्या देणे महाराष्ट्रासारख्या पुरोगामी राज्यासाठी लज्जास्पद आहे. धमकी देणाऱ्या आमदार विरोधात गुन्हा दाखल झाला पाहिजे!
वडेट्टीवार पुढे म्हणाले की, महाराष्ट्राचे मुख्यमंत्री स्वतःच गृहमंत्री आहेत. त्यांनी सत्तेसाठी अशा निर्बुद्ध आमदारांना पाठीशी न घालता तात्काळ कठोर कारवाई करावी, तसेच सत्ताधारी आमदाराकडून जीवाला धोका असल्यामुळे प्रशांत आंबी यांना पोलीस संरक्षण द्यावे अशी आमची मागणी आहे !
Web Summary : Congress demands action against MLA Sanjay Gaikwad for threatening publisher Prashant Ambi over the book 'Shivaji Kon Hota'. They also seek police protection for Ambi, citing a threat to his life and condemning the MLA's intimidation as shameful for Maharashtra.
Web Summary : कांग्रेस की मांग है कि विधायक संजय गायकवाड़ पर 'शिवाजी कौन थे' पुस्तक के प्रकाशक प्रशांत आंबी को धमकी देने के लिए कार्रवाई की जाए। उन्होंने आंबी के जीवन के लिए खतरे का हवाला देते हुए पुलिस सुरक्षा की मांग की और विधायक की धमकी को महाराष्ट्र के लिए शर्मनाक बताया।