लोकमत न्यूज नेटवर्कबारामती : तातडीच्या दुरुस्तीच्या व देखभालीच्या कामासाठी बारामती शहरातील काही भागांत गुरुवारी (८ जून) सकाळी १० ते दुपारी २ वाजेपर्यंत वीजपुरवठा बंद राहील, असे महावितरणने कळवले आहे. बारामती एमआयडीसीतील तिन्ही उपकेंद्रांतील ११ केव्हीच्या सर्व वाहिन्या व इंडस्ट्रिअल इस्टेट वाहिनी बंद राहणार आहे. संपूर्ण एमआयडीसी परिसरासह गणेश मंदिर, सायली हिल, तांबेनगर, महिला सोसायटी, सूर्यनगरी, संभाजीनगर, नक्षत्र गार्डन परिसर, विद्यानगरी, कांचननगर, गुजर सोसायटी, सहकारी औद्योगिक वसाहत परिसरात वीज बंद राहील. काम पूर्ण झाल्यानंतर सर्व वाहिन्यांवरील वीजपुरवठा सुरळीत केला जाईल. काम वेळेआधी संपल्यास वीजपुरवठा त्याचवेळी पूर्ववत करण्यात येईल. तरी नागरिकांनी सहकार्य करावे, असे आवाहन महावितरणने केले आहे.
{{#config.logo.enabled}}
{{/allowed}}