Maharashtra Election 2019: पुणेकर होण्यासाठी चंद्रकांत पाटील यांनी घेतले कोथरुडमध्ये भाड्याचे घर

कोथरुड विधानसभा 2019: भाजपाचे प्रदेशाध्यक्ष चंद्रकांत पाटील यांनी यंदा विधानसभेची निवडणुक लढविण्याचा निर्णय घेतल्याने पुण्यातील कोथरुड मतदारसंघ चर्चेचा विषय ठरला आहे.

भाजपाचे प्रदेशाध्यक्ष चंद्रकांत पाटील यांनी यंदा विधानसभेची निवडणुक लढविण्याचा निर्णय घेतल्याने पुण्यातील कोथरुड मतदारसंघ चर्चेचा विषय ठरला आहे. चंद्रकांत पाटील यांनी कोथरुडविधानसभेतून अर्ज भरल्यानंतर मतदार संघातील नागरिकांनी आम्हाला बाहेरचा उमेदवार नको असल्याचे सांगत स्थानिक उमेदवार हवा असं सांगत चंद्रकांत पाटील यांना विरोध केला होता. 

पुण्यातील कोथरुड मतदार संघातील स्थानिक नागरिकांनी विरोध केल्यानंतर चंद्रकांत पाटील यांनी मी कुणी परका नसून पुण्याचाच असल्याचे विधान चंद्रकांत पाटील यांनी सांगितले होते. मात्र स्थानिकांना विरोध कायम बघता चंद्रकांत पाटील यांच्याकडून पुणेकर होण्यासाठी मोठे प्रयत्न करण्यात येत आहे. त्यातच आता चंद्रकांत पाटील यांनी कोथरुड मतदार संघातच भाड्याने घर घेतलं आहे. चंद्रकांत पाटील यांनी सांगितले की, मी पुण्यातील कोथरुड मतदारसंघातून निवडणुकीस उभे राहिल्याने कोथरुडमधील कुंबरे टाऊनशिप जवळ असलेल्या आर. के. प्रेस्टीजमध्ये मित्राने तात्पुरते राहण्यास घर दिले आहे. तसेच भविष्यात स्वत:चं कोथरुडमध्ये नक्की घर घेऊ असं देखील चंद्रकांत पाटील यांनी स्पष्ट केले आहे. 

काेथरुडच्या जागेसाठी विराेधक एकवटले ; काॅंग्रेस - राष्ट्रवादीने दिला मनसेला पाठींबा

चंद्रकांत पाटील भाजपचे पहिल्या फळीतील नेते असून प्रदेशाध्यक्ष आहे. ते आतापर्यंत विधान परिषदेवरच निवडून येत होते. परंतु, जनतेतून निवडून आल्याशिवाय मंत्रिमंडळात 'नो एन्ट्री' या मोदी-शाह स्ट्रॅटर्जीमुळे चंद्रकांत पाटलांना विधानसभेच्या रिंगणात उतरावे लागत आहे. त्यानुसार त्यांनी कोथरूड मतदार संघाची निवड केली आहे.कोथरूड मतदार संघातून पाटील यांचे नाव निश्चित झाल्यानंतर मतदार संघातील लोकांनी विरोध दर्शविला होता. त्यानंतर १९८२ पासून १३ वर्षे विद्यार्थी परिषदेचा संघटनमंत्री असताना मी पुण्यात इतक्यावेळा गेलो आहे की, पुणे, कोथरुड मला जितके माहित आहे. तितके कोणालाच माहित नाही. दुसरी गोष्ट म्हणजे गेली बारा वर्षे मी पुणे पदवीधरचाच आमदार आहे. तसेच आमदार, महसूलमंत्री, पालकमंत्री आणि पक्षाचा अध्यक्ष म्हणून मी अनेकदा पुण्याला जातो. त्यामुळे पुणेकर मला परका समजणार नसल्याचे देखील चंद्रकांत पाटील यांनी सांगतिले होते.