It's not just a matter of giving news - Vijay Darda | केवळ बातम्या देणं हे लोकमतचं काम नाही - विजय दर्डा
केवळ बातम्या देणं हे लोकमतचं काम नाही - विजय दर्डा

मुंबई - केवळ बातम्या देणं हे लोकमतचं काम नाही, त्यापलीकडे जाऊन प्रथमच महाराष्ट्राज् मोस्ट स्टायलिश अ‍ॅवॉर्डची सुरुवात केली आहे असं लोकमत मीडिया प्रा.लि.च्या एडिटोरिअल बोर्डाचे चेअरमन विजय दर्डा बोलले आहेत. महाराष्ट्रातील मोस्ट स्टायलिश व्यक्तिमत्त्वांचा दैनिक लोकमतकडून गौरव करण्यात येत आहे. यावेळी बोलताना विजय दर्डा यांनी आपलं मनोगत व्यक्त केलं. यावेळी त्यांनी बालदिनानिमित्त आपल्या भावनाही व्यक्त केल्या. 'मुलेच आपल्याला रस्ता दाखवतात, आपण कसे जगाव हे मुलचं शिकवतात, जीवन जगण्याची कला आपल्याला लहान मुलाकडून मिळते', असं विजय दर्डा बोलले आहेत. 

या पुरस्कार सोहळ्याचे हे दुसरे वर्ष आहे. साई रिअल इस्टेट प्रस्तुत या सोहळ्याची गेल्या काही दिवसांपासून प्रचंड उत्कंठा निर्माण झाली होती.  मुंबईतील ताज लँडस् एण्ड हॉटेलमध्ये अतिशय स्टायलिश अंदाजात या सोहळ्याला सुरुवात झाली आहे. सोहळ्यात चारचाँद लावण्यासाठी बॉलीवुडसह मराठी चित्रपटसृष्टीतील अनेक स्टायलिश सेलिब्रिटी उपस्थित आहेत. त्याचबरोबर सामाजिक, राजकीय, आर्थिक क्षेत्रातील अनेक मान्यवरांचीही उपस्थिती आहे. 

'मराठी इंडस्ट्री स्टायलिस्ट झाली आहे, त्याचा सन्मान होतो हे महत्त्वाचं. लोकमतच्या या पुरस्काराला यायला मिळणं भाग्य आहे', अशी प्रतिक्रिया अभिनेता भूषण प्रधानने दिली आहे. तर अभिनेत्री सई ताम्हणकरने आनंद वाटतो हे प्लॅटफॉर्म तयार केलं. लोकमतच्या या कामाचं कौतुक आहे असं सांगितलं आहे. या सोहळ्याबद्दल बोलताना मयुरी देशमुख यांनी 'कधीतरी फक्त नटून थटून बाहेर एन्जॉय करायचं असतं, लोकमत स्टयईलिश तेच आहे. माझी स्टाईल स्टेटमेंट अजून डेव्हलप होतीये', असं सांगितलं.  

लोकमत महाराष्ट्राज् मोस्ट स्टाइलिश अवॉर्ड सोहळ्याचे प्रोगेस पार्टनर कार्लटन, स्टार कॉस्मेटिक्स, जॉनी वॉकर तसेच झूम ,पिंक व्हिला, अफॅक्स आणि झी मराठी पार्टनर आहे.या सोहळ्यात मराठी आणि हिंदी चित्रपटसृष्टी तसेच टीव्ही जगतातील कलाकारांना पुरस्कार देऊन गौरवण्यात येत आहे. आजवर आपण अनेक पुरस्कार सोहळे पाहिले असतील मात्र लोकमतच्या वतीने आयोजित हा सोहळा थोडा हटके आणि खास आहे. कारण महाराष्ट्राच्या मोस्ट स्टाइलिश पर्सनालिटीजलाच या पुरस्काराचे मानकरी होता येत आहे. या सोहळ्याला विविध सेलिब्रिटींची उपस्थिती लाभली आहे. 

ट्रॉफीही स्टायलिश
महाराष्ट्रातील मोस्ट स्टायलिश लोकांना गौरवान्वित करण्यासाठी तशीच स्टायलिश ट्रॉफीही यंदा तयार करण्यात आली आहे. स्टायलिश महिला असो वा स्टायलिश पुरुष, दोघांचाही गौरव करण्यासाठी ही ट्रॉफी तयार करताना विचार करण्यात आला आहे. एका बाजूला लावण्य रुपी महिला तर मागच्या बाजूला बलदंड पुरूष साकारून डिझाइनचा एक नवा स्टायलिश आदर्श नमुनाच या निमित्ताने तयार करण्यात आला आहे़ अशा प्रकारची ट्रॉफी यापूर्वी कधीच तयार झाली नाही.
 


Web Title: It's not just a matter of giving news - Vijay Darda
Get Latest Marathi News & Live Marathi News Headlines from Politics, Sports, Entertainment, Business and local news from all cities of Maharashtra.