नंदकुमार टेणी - ठाणो
येथील महापालिकेच्या राजीव गांधी वैद्यकीय महाविद्यालयातील अनेक विद्यार्थिनींच्या प्रदीर्घकाळात झालेल्या लैंगिक छळाची महाराष्ट्र आरोग्य विज्ञान विद्यापीठाने सुरू केलेली चौकशी आता हे प्रकरण न्यायप्रविष्ट असल्याने ठप्प झाली आहे. तसेच प्रकरणातील मुख्य आरोपी डॉक्टर नटराजन हे न्यायालयीन कोठडीत असल्याने त्यांना भेटणो या समितीला शक्य झाले नाही. तो देखील एक अडथळा या चौकशीत निर्माण झाला आहे.
महाराष्ट्र आरोग्य विज्ञान विद्यापीठाने या गंभीर प्रकरणाबाबत कोणती कारवाई केली, याबद्दल विद्यापीठाचे कुलगुरू डॉ. अरुण जामकर यांच्याशी ‘लोकमत’ने संपर्क साधला असता त्यांनी सांगितले की, प्रकरणाची माहिती मिळताच विद्यापीठाने विद्यार्थी कल्याण विभागाचे प्रमुख डॉ. संदीप गुंडरे तसेच होमीओपॅथिक कॉलेजच्या प्राचार्या डॉ. पागे आणि विद्यापीठातील प्राध्यापिका डॉ. सूर्यवंशी व अन्य एक सदस्य अशा चौघांची चौकशी समिती नेमली होती. तिने या महाविद्यालयाला भेट देऊन या विद्यार्थिनींशी संवाद साधून चौकशी केली होती. या वेळी चौकशी समितीचे चौथे सदस्य काही कारणांमुळे त्यामध्ये सहभागी होऊ शकले नव्हते. त्यानंतर या प्रकरणाची दुसरी बाजू जाणून घेण्यासाठी आरोपीची भेट घेणो समितीला आवश्यक होते. परंतु आरोपी न्यायालयीन कोठडीत असल्याने त्याची भेट समितीला घेता आली नाही.
च्शासकीय सेवा स्थायी नियम व शर्तीच्या (स्टॅडिंग ऑर्डर्स) नुसार जर एखादा प्राध्यापक 48 तासांपेक्षा अधिक काळ कोठडी अथवा तुरुंगात राहिला तर तो बडतर्फीला पात्र ठरतो. त्यानुसार नटराजन यांना प्राध्यापक पदावरून महाविद्यालयाला म्हणजेच महापालिकेला बडतर्फ करावे लागणार आहे. त्याबाबत आता महापालिका कोणती कारवाई करते याकडे सगळ्यांचे लक्ष लागले आहे.
च्हे प्रकरण न्यायप्रविष्ट असल्याने व पोलीसही त्याची चौकशी करीत असल्याने विद्यापीठाने आपली चौकशी तूर्तास थांबवावी, असे ठरले. याप्रकरणी नटराजन हे दोषी ठरल्यास त्यांची नोंदणीही महाराष्ट्र मेडिकल कौन्सिल रद्द करू शकते. तसेच या महाविद्यालयाची मान्यता व संलग्नता रद्द करण्याची
कारवाई देखील आरोग्य विज्ञान विद्यापीठ व मेडिकल कौन्सिल करू शकते.