कट प्रॅक्टीसला ‘आयएमए’चा तीव्र विरोध

इंडियन मेडिकल असोसिएशनकडून (आयएमए) डॉक्टर आणि रुग्ण यांच्यातील संबंध वृद्धिंगत करण्याचे प्रयत्न सुरू आहेत. विविध सामाजिक विषयांवर आयएमएने उपक्रम राबविले आहेत.

दिलीप सारडा : १५ टक्के डॉक्टरांमुळे वैद्यकीय क्षेत्र बदनामयवतमाळ : इंडियन मेडिकल असोसिएशनकडून (आयएमए) डॉक्टर आणि रुग्ण यांच्यातील संबंध वृद्धिंगत करण्याचे प्रयत्न सुरू आहेत. विविध सामाजिक विषयांवर आयएमएने उपक्रम राबविले आहेत. मात्र अद्यापही १५ टक्के डॉक्टर कट प्रॅक्टीस करीत असल्याने संपूर्ण वैद्यकीय क्षेत्रच बदनाम झाले आहे, अशी टीका आयएमएचे राज्याध्यक्ष डॉ. दिलीप सारडा यांनी केली. शनिवारी यवतमाळ दौऱ्यावर आले असता ते पत्रपरिषदेत बोलत होते. डॉ. सारडा म्हणाले, आयएमएने पुढाकार घेऊन कट प्रॅक्टीसबाबत मोहिम हाती घेतली. महाराष्ट्र मेडिकल कॉन्सीलने चौकशी करून कारवाई केली. यामुळे कट प्रॅक्टीसवर बऱ्याचअंशी आळा बसला. आता आयएमएच्या प्रयत्नाने १५ टक्के रेफरन्स कमी झाल्याचे रेडिओलॉजीच्या सर्व्हेत उघड झाले आहे. डॉक्टरांनी विदेश दौरा, विविध वस्तू घेणे चुकीचे आहे. डीएमएलटी, सीएमएलटी यांना रक्त तपासण्याचा अधिकार नाही. अधिकृत डॉक्टरांच्या अधिनस्त ते काम करू शकतात, असे पॅथॉलॉजीकल असोसिएशनचे म्हणने असल्याचे डॉ. सारडा यांनी सांगितले. आरोग्य संवर्धनासाठी आयएमएकडून सायकल क्लब ही संकल्पना राबविली जात आहे. पुणे, नागपूर, चंद्रपूर येथे क्लब स्थापन केले आहेत. यवतमाळातही डॉ. सुरेंद्र भुयार आणि डॉ. दिलीप सव्वालाखे यांच्या मार्गदर्शनात सायकल क्लब निर्माण केला जाणार आहे. आयएमएने ‘आओ गांव चले’ संकल्पना राबविली आहे. प्रत्येक शाखेकडून एक गाव दत्तक घेण्यात आले आहे, असे नियोजित राज्याध्यक्ष डॉ. राठोड यांनी सांगितले. पत्रपरिषदेला आयएमएचे सचिव डॉ. जयेश लेले, उपाध्यक्ष डॉ. मंगेश गुलवाडे, यवतमाळ शाखा अध्यक्ष डॉ. सुरेंद्र भुयार, डॉ. सी.बी. अग्रवाल, डॉ. दिलीप देशमुख, डॉ. दिलीप सव्वालाखे, डॉ. नारायण पुराणिक उपस्थित होते. (कार्यालय प्रतिनिधी)असा आहे क्लिनिकल इस्टॅब्लिशमेंट अ‍ॅक्टडॉक्टर्स आणि रुग्ण यात मैत्रीपूर्ण संबंध निर्माण करणारा क्लिनीकल इस्टॅब्लिशमेंट अ‍ॅक्ट डिसेंबरमध्ये येऊ घातला असून यातील तरतुदींबाबत डॉ. दिलीप सारडा यांनी पत्रकारांशी चर्चा केली. ते म्हणाले, या कायद्यात डॉक्टरांनी प्रिस्क्रीप्शन लिहिताना कॅपीटल लेटरचाच उपयोग करावा. दोन लेटरपॅड वापरावे, त्यावर नाव, डीग्री, पॅथी, रजिस्ट्रेशन नंबर आणि पेशंटचे नाव व त्याची इतर ओळख नमूद करावी. शक्यतोवर डॉक्टरांनी जेनेरिक औषधीच लिहून द्यावी. डॉक्टरांनी हे औषध लिहण्यास सुरूवात केल्यानंतर त्याचे स्थानिक पातळीवरही दुकान लागेल. जेनेरिक औषधींचे दर २० पटींनी कमी आहेत. आता डॉक्टरांनी प्रीस्क्रिप्शनमध्ये जेनेरिक औषध लिहिनेही आवश्यक आहे. नवीन कायद्यानुसार हॉस्पीटलच्या वीज दरात सवलत दिली जाणार आहे. व्यावसायीक दरापेक्षा कमी दर राहणार आहेत. शिवाय शॉप अ‍ॅक्टच्या अटी क्लिनिकला लागू होणार नाही. डॉक्टरांना चाचण्यांसाठी रुग्ण अधिकृत असलेल्याच डॉक्टरकडे पाठविणे बंधनकारक राहणार आहेत.