मुख्य सभेत केंद्राचा निषेध

पुणो मेट्रो तत्काळ मंजूर करावी, या मागणीसाठी महापालिकेतील सत्ताधारी काँग्रेस आणि राष्ट्रवादी काँग्रेसच्या नगरसेवकांनी मुख्य सभेत आंदोलन केले.

पुणो : पुणो मेट्रो प्रकल्पाबाबत केंद्र शासन दुजाभाव करीत असल्याचा आरोप करीत पुणो मेट्रो तत्काळ मंजूर करावी, या मागणीसाठी महापालिकेतील सत्ताधारी काँग्रेस आणि राष्ट्रवादी काँग्रेसच्या नगरसेवकांनी मुख्य सभेत आंदोलन केले. तसेच, केंद्र शासनाविरोधात जोरदार घोषणाबाजी केली. 

शहरातील मेट्रो प्रकल्पावरून दोन दिवसांपासून राजकीय वातावरण तापले आहे. पुणो मेट्रोची फाईल आधी मान्यतेसाठी गेली असताना केंद्राने नागपूर मेट्रोला मान्यता दिली तसेच निधीही उपलब्ध करून दिला असल्याने केंद्र शासन दुजाभाव करीत असल्याची टीका मुख्यमंत्री पृथ्वीराज चव्हाण यांनी नुकतीच केली होती. मात्र, राज्य शासन तसेच पालिकेने केंद्राने दिलेल्या अटी पूर्ण न केल्याने पुणो मेट्रो रखडण्यास राज्य शासनाच जबाबदार असल्याची टीका भाजपचे केंद्रीय मंत्री नितीन गडकरी यांनी केली होती. 

दरम्यान, उद्या (गुरुवारी) नागपूर मेट्रोचे भूमिपूजन होत आहे. त्यामुळे केंद्र शासन शहराची वाहतूक समस्या गंभीर बनली असताना दुजाभाव करते, याचा निषेध करण्यासाठी माजी महापौर वैशाली बनकर यांच्या नेतृत्वाखाली मुख्य सभेत आज हे आंदोलन करण्यात आले. तसेच, 

केंद्र शासनाच्या धिक्काराची घोषणाबाजी करण्यात आली. 

त्यामुळे सभागृहात काही 

काळ गोंधळाचे वातवरण निर्माण झाले होते. तसेच, नागपूर मेट्रोला विरोध नाही; मात्र पुणो मेट्रोबाबत तत्काळ निर्णय न घेतल्यास तीव्र आंदोलन करण्याचा इशारा या वेळी देण्यात आला. 

सभागृहनेते सुभाष जगताप, विरोधी पक्षनेते अरविंद शिंदे, स्थायी समिती अध्यक्ष बापूराव कर्णे गुरुजी, नगरसेवक दिलीप बराटे, आबा बागुल, बंडू केमसे, सचिन दोडके यांच्यासह दोन्ही पक्षांचे नगरसेवक मोठय़ा संख्येने उपस्थित होते.(प्रतिनिधी)