मुंबई: गेल्या काही दिवसांपासून एकीकडे कोरोनाच्या दुसऱ्या लाटेमुळे परिस्थिती गंभीर होत असताना दुसरीकडे मराठा आरक्षण आणि अन्य विषयांवरून राजकारण तापलेले दिसत आहे. सर्वोच्च न्यायालयाने मराठा समाजाला आरक्षण देणारा कायदा रद्द केल्यानंतर हा मुद्दा पुन्हा ऐरणीवर आला आहे. खासदार छत्रपती संभाजीराजे यांनी मराठा आरक्षणाच्या मुद्द्यावर महाराष्ट्र दौरा सुरू केला आहे. यातच याच प्रकरणी भाजप ठाकरे सरकारवर टीका करताना दिसत आहे. थोडं मुंबईच्या चकचकीत दुनियेतून बाहेर निघून फिरा महाराष्ट्रात… कळेल, अशी टीका भाजपकडून करण्यात आली आहे. (bjp pravin darekar criticised sachin sawant thackeray govt on maratha reservation)
मराठा आरक्षणाच्या मुद्द्यासंदर्भात छत्रपती संभाजीराजे यांनी पंतप्रधान नरेंद्र मोदी यांची भेट मागितली होती. मात्र, भेटीसाठी वेळ न दिल्याने आरोप-प्रत्यारोपांच्या फैरी झडताना दिसत आहेत. काँग्रेसचे प्रवक्ते सचिन सावंत यांनी ट्विट करत भाजपवर टीका केली होती. या टीकेला भाजपचे विधान परिषदेचे विरोधी पक्षनेते प्रवीण दरेकर यांनी प्रत्युत्तर देत काँग्रेसच प्रवक्ते सचिन सावंत आणि शिवसेनेवर टीकास्त्र सोडले आहे. एकामागून एक ट्विट करत प्रवीण दरेकर यांनी निशाणा साधला आहे.
“PM मोदींना हटवण्यासाठी २०२४ च्या निवडणुकांमध्ये चीन गडबड करण्याची शक्यता!”
महाविकास आघाडीचीच लक्तरं वेशीवर टांगत आहात!
ज्यांच्यासाठी बाजू मांडताय, त्यांची आता एव्हढी लाज निघालीय ना मराठा आरक्षणाबाबत सचिन सावंतजी, थोडं मुंबईच्या चकचकीत दुनियेतून बाहेर निघून फिरा महाराष्ट्रात… कळेल. ‘पोलखोल’ च्या नादात स्वपक्षाची आणि महाविकास आघाडीचीच लक्तरं तुम्ही वेशीवर टांगत आहात!, अशी टीका दरेकर यांनी केली.
मराठा आरक्षण कसं मिळेल याचा सल्ला सरकारला द्या
पुढील ट्विटमध्ये दरेकर म्हणाले की, बाकी विषय भरकटवण्यात तुम्ही, काँगेस आणि तुमचे सहकारी पक्ष यांचा हात कुणी धरू शकणार नाही. भाजपाची पोलखोल करण्यात वेळ घालवण्यापेक्षा मराठा आरक्षण कसं मिळेल याचा सल्ला सरकारला द्या. राहता राहिला प्रश्न ‘पोलखोलचा’ तर… महाविकास आघाडीचा मराठा आरक्षण न देण्याचा ‘नियोजनबद्ध दुर्लक्षपणाचा बुरखा’ आपल्या पोलखोलीनंतर मराठा बांधव आणि महाराष्ट्रासमोर आम्हीच टराटरा फाडू!, असा इशारा दरेकर यांनी यावेळी दिला.
ब्लॅक फंगसवरील औषधांवर इतका टॅक्स कशासाठी? हायकोर्टाचा केंद्राला थेट सवाल
दरम्यान, मराठा आरक्षणाविरोधात न्यायालयीन लढाई लढणाऱ्या सेव्ह मेरिट सेव्ह नेशन या संस्थेचे व त्यांच्या पदाधिका-यांचे भाजपा व राष्ट्रीय स्वयंसेवक संघाचे नागपूर कनेक्शन उघड झाले असून यात भाजपा पदाधिकारीच अग्रेसर असल्याने मराठा आरक्षणाच्या न्यायालयीन लढाईत आरक्षण विरोधी लोकं व संस्थांना रसद पुरवून भाजपानेच मराठा समाजाशी दगाबाजी केली आहे का? असा संतप्त सवाल करत जनतेची दिशाभूल करण्याकरिता ५ जूनला भाजपा पुरस्कृत आंदोलनामुळे महाराष्ट्रात कोरोनाचा हाहाकार उडाला तर त्याला सर्वस्वी सुपर स्प्रेडर भाजपा जबाबदार असेल, असा इशारा महाराष्ट्र प्रदेश काँग्रेस कमिटीचे सरचिटणीस व प्रवक्ते सचिन सावंत यांनी दिला आहे.