डोंबिवलीत अंधश्रद्धेच्या नावाखाली फसवणुकीचा धक्कादायक प्रकार उघडकीस आला आहे. मुलीच्या लग्नातील कथित ‘दोष’ उतरवण्याच्या बहाण्याने एका भोंदू बाबाने वयोवृद्ध व्यक्तीला लुबाडल्याची घटना समोर आली आहे. या प्रकरणी विष्णूनगर पोलिसांनी दीपक सावंत नावाच्या आरोपीला कल्याण येथून अटक केली आहे.
मिळालेल्या माहितीनुसार, पिडित व्यक्ती आपल्या मुलीच्या लग्नात अडथळे येत असल्याने उपाय शोधत होती. त्याच वेळी दीपक सावंत याने स्वतःला ‘बाबा’ म्हणून भासवत विशेष विधी करून दोष दूर करण्याचे आमिष दाखवले. विधीच्या नावाखाली त्याने पीडितांकडून सोन्याचे ब्रेसलेट आणि चांदीची नाणी घेतली. विधी दरम्यान आरोपीने हे दागिने लाल रंगाच्या रुमालात ठेवण्यास सांगितले. त्याचवेळी चलाखीने रुमालाचा अदला बदल केली.
त्यानंतर दुसरा रुमाल हातात देऊन तो तेथून पसार झाला. काही वेळाने फसवणूक झाल्याचे लक्षात येताच पिडितांनी विष्णूनगर पोलीस ठाण्यात तक्रार दाखल केली. पोलिसांनी तातडीने तपास सुरू करून दीपक सावंत याला कल्याण परिसरातून अटक केली. आरोपीने यापूर्वीही अशाच प्रकारे अनेकांना गंडा घातल्याची शक्यता व्यक्त केली जात आहे. पोलिसांकडून या प्रकरणी सखोल चौकशी सुरू आहे. दरम्यान, नागरिकांनी अंधश्रद्धेला बळी न पडता कोणत्याही अशा ‘विधी’ किंवा ‘उपायां’पासून सावध राहण्याचे आवाहन विष्णूनगर पोलिस ठाण्याचे वरिष्ठ पोलिस निरिक्षक राम चोपडे यांनी केले आहे.
Web Summary : A fake Baba in Dombivli was arrested for defrauding an elderly man by promising to remove obstacles from his daughter's marriage. The accused, Deepak Sawant, lured the victim with rituals, stole gold and silver, and was apprehended by Vishnu Nagar police in Kalyan. Police urge public vigilance.
Web Summary : डोंबिवली में एक ढोंगी बाबा को अंधविश्वास के नाम पर एक बुजुर्ग व्यक्ति को ठगने के आरोप में गिरफ्तार किया गया। आरोपी दीपक सावंत ने बेटी की शादी में आ रही बाधाओं को दूर करने का वादा किया, सोने और चांदी की चोरी की। विष्णु नगर पुलिस ने कल्याण में उसे पकड़ा। पुलिस ने जनता से सतर्क रहने का आग्रह किया।