Video: प्रयागराजच्या त्रिवेणी संगमात अजित पवारांच्या अस्थींचे विसर्जन; कुटुंबीय व कार्यकर्ते भावुक

जय पवार आणि कुटुंबीयांच्या उपस्थितीत अस्थी कलश यात्रेचा समारोप.

Ajit Pawar: महाराष्ट्राचे माजी उपमुख्यमंत्री आणि राष्ट्रवादी काँग्रेसचे दिवंगत नेते अजित पवार यांच्या अस्थींचे आज(८ फेब्रुवारी २०२६) रोजी प्रयागराज येथील त्रिवेणी संगमात विधीपूर्वक विसर्जन करण्यात आले. अजित पवारांचे पुत्र जय पवार यांनी पारंपरिक धार्मिक विधी पाळत संगमात अस्थी विसर्जन केले. यावेळी कुटुंबीय, नातेवाईक आणि पक्ष कार्यकर्ते उपस्थित होते.

VIP घाटावर विधी

पवार कुटुंबीय चार्टर्ड विमानाने बारामतीहून प्रयागराजला पोहोचले. सकाळी सुमारे ११ वाजता कुटुंबीय प्रयागराज विमानतळावर दाखल झाले. विमानतळावरून पवार कुटुंबीय मोठ्या ताफ्यासह प्रयागराज संगमाकडे रवाना झाले. संगमाच्या VIP घाटावर अस्थी विसर्जनाचा विधी पार पडला. 

Prayagraj, Uttar Pradesh: In Prayagraj, the asthi kalash of late Maharashtra Deputy Chief Minister Ajit Pawar were immersed at the Sangam. Family and party members reached via VIP Ghat, priests performed rituals, and prayers were offered to Mother Ganga as mourners paid respects… pic.twitter.com/lFZvSbqRSZ

— IANS (@ians_india) February 8, 2026

अस्थी कलश यात्रेचा समारोप

दरम्यान, राष्ट्रवादी काँग्रेसच्या युवा संघटनेचे राष्ट्रीय अध्यक्ष धीरज शर्मा यांच्या नेतृत्वाखाली कश्मीर ते कन्याकुमारी अशी अस्थी कलश यात्रा काढण्यात आली होती. ही यात्रा १२ राज्यांमधून मार्गक्रमण करून रविवारी संगमावर पोहोचली. जय पवार आणि कुटुंबीयांच्या उपस्थितीत या यात्रेचा समारोप झाला.

विमान अपघातात निधन

अजित पवार यांचे २८ जानेवारी २०२६ रोजी बारामती येथे विमान अपघातात निधन झाले होते. या अपघातात त्यांच्यासह आणखी चार जणांचा मृत्यू झाला. तर, २९ जानेवारी रोजी बारामती येथील विद्या प्रतिष्ठान मैदानावर त्यांच्यावर शासकीय इतमामात अंत्यसंस्कार करण्यात आले. अजित पवार यांच्या निधनानंतर पत्नी सुनेत्रा पवार यांची महाराष्ट्राच्या उपमुख्यमंत्रीपदी नियुक्ती करण्यात आली आहे.