उदगीर : विद्यार्थी घडविण्याबरोबर पर्यावरण संवर्धन करणारी महाराष्ट्र शिक्षण संस्था ही आदर्श आहे, असे गौरवोद्गार राज्यमंत्री संजय बनसोडे यांनी काढले.
येथील कृष्णमाता अनुसूचित जाती आश्रमशाळेत आयोजित वृक्षारोपणप्रसंगी ते बोलत होते. या कार्यक्रमाच्या अध्यक्षस्थानी राष्ट्रवादीचे प्रदेश सरचिटणीस बसवराज पाटील नागराळकर होते. यावेळी महाराष्ट्र शिक्षण संस्थेचे अध्यक्ष व्यंकटराव कांडगिरे, उपजिल्हाधिकारी प्रवीण मेंगशेट्टी, सभापती शिवाजी मुळे, काँग्रेसचे तालुकाध्यक्ष कल्याण पाटील, युवक काँग्रेसचे जिल्हाध्यक्ष विजय निटुरे, मल्लिकार्जुन मानकरी, समीर शेख, प्रा. प्रवीण भोळे, उदय मुंडकर, विजयकुमार चवळे, गजानन भोपणीकर, मंजुरखाँ पठाण, फैजखाँ पठाण, राजकुमार भालेराव, डाॅ. दत्तात्रय पवार, डाॅ. हरिदास, डाॅ. शशिकांत देशपांडे, गटशिक्षणाधिकारी नितीन लोहकरे, शिक्षण विस्तार अधिकारी धमनसुरे आदी उपस्थित होते.
यावेळी राज्यमंत्री बनसोडे म्हणाले, १९८२पासून महाराष्ट्र शिक्षण संस्था ग्रामीण भागातील कष्टकऱ्यांच्या मुलांचे जीवन घडविण्याचे काम करत आहे. शाळेत स्वच्छ आर. ओ. फिल्टरचे पाणी, खेळासाठी प्रशस्त मैदान, सर्व सोयींनीयुक्त शाळा व वसतिगृहाच्या इमारती आहेत. यावेळी महाराष्ट्र शिक्षण संस्थेच्यावतीने राज्यमंत्री संजय बनसोडे यांचा व्यंकटराव कांडगिरे, बळीराम कांडगिरे यांनी सत्कार केला. प्रास्ताविक अमोल कांडगिरे यांनी केले. सूत्रसंचालन ज्ञानेश्वर नादरगे यांनी केले.