गत तीन दिवसांपासून लातूर जिल्ह्यात दमदार पाऊस पडत आहे. या पावसामुळे शेतकऱ्यांना दिलासा मिळाला असला तरी लातूर, रेणापूर, देवणी तालुक्यांसह जिल्ह्यातील बहुतांश तालुक्यांतील काही ठिकाणी शेतकऱ्यांच्या पिकांचे माेठ्या प्रमाणावर नुकसान झाले आहे. रेणापूर तालुक्यातील सर्व महसूल मंडळांत गत पंधरा दिवसांत दोनवेळा मोठ्या प्रमाणावर पावसाने हजेरी लावली. पावसामुळे झालेल्या नुकसानीची प्राथमिक माहिती मिळताच पाहणी करून त्याचा अहवाल तातडीने सादर करावा, असे आदेश पालकमंत्री अमित देशमुख, आमदार धीरज देशमुख यांनी प्रशासनाला दिले आहेत. जिल्हा प्रशासनाला पाहणीचे आदेश मिळताच लातूर तालुक्यातील गंगापूर आणि रेणापूर तालुक्यातील पोहरेगाव, दर्जीबोरगाव, गव्हाण, ब्रम्हवाडी, आंदलगाव येथील नुकसान झालेल्या उसासह खरीप पिकांची पाहणी अधिकाऱ्यांनी केली आहे.
यावेळी लातूर जिल्हा नियोजन समितीचे विजय देशमुख, रेणाचे चेअरमन सर्जेराव मोरे, रवींद्र काळे, लातूरचे उपविभागीय अधिकारी सुनील यादव, रेणापूर उपविभागीय अधिकारी अविनाश कांबळे, लातूरचे तहसीलदार स्वप्निल पवार, रेणापूरचे तहसीलदार राहुल पाटील, उपविभागीय कृषी अधिकारी राजेंद्र कदम, प्रा. अरुण गुट्टे, प्रभारी कृषी अधिकारी योगिता आरदवाड, रेणापूर तालुका कृषी अधिकारी नागरगोजे, मंडळ अधिकारी हिप्परगे, माजी उपसभापती बाळकृष्ण माने, रमेश थोरमोटे, डॉ. सतीश कानडे, तानाजी फुटाणे, सरपंच बाबू खंदाडे, किरण शिंदे, जानुमिया शेख, बलभीम शिंदे, सुधाकर शिंदे, विठ्ठल गाडेकर, बिभीषण कदम, शरद माने, रामराव माने, भारत पवार, आकाश जाधव, ज्योतिराम चव्हाण, व्यंकट पवार, विनायकराव माने, विलास रोगे, बकंट माने, शिवाजी माने, सुरेश माने, भरतराव मोरे, भास्कर मोरे, संजय मोरे, विशाल मोरे, शहाजी मोरे यांची उपस्थिती हाेती.