१६ ठिकाणी संकलन केंद्र
लातूर महानगरपालिकेच्या वतीने विसर्जनासाठी शहरात १६ ठिकाणी संकलन केंद्र उभारण्यात आले होते. घरगुती गणेशमूर्तींसह गणेश मंडळांच्या मूर्तींचे संकलनही मनपाच्या वतीने करण्यात आले. गेल्या तीन वर्षांपासून हा उपक्रम मनपाच्या वतीने शहरात राबविला जात आहे. यंदाही या उपक्रमाला नागरिकांनी प्रतिसाद दिला.
निर्माल्याचे वर्गीकरण
मनपाच्या वतीने उभारण्यात आलेल्या संकलन केंद्रावर कर्मचाऱ्यांकडून मूर्तींचे संकलन केल्यानंतर सोबत येणाऱ्या निर्माल्याचे वर्गीकरण करण्यात आले. फुले, हार, कापड यासारख्या वस्तू वेगवेगळ्या करण्यात आल्या. यातील निर्माल्यापासून खत बनविले जाणार आहे. या वस्तूंचा पुनर्वापर करणे शक्य आहे. त्यावर प्रक्रिया केली जाणार आहे.
बच्चे कंपनीचा उत्साह...
गणपती बाप्पा मोरयाऽऽ पुढच्या वर्षी लवकर याऽऽऽ अशी साद घालत बच्चे कंपनीने आपल्या लाडक्या गणपती बाप्पाला रविवारी निरोप दिला. गेल्या दोन वर्षांपासून गणेशोत्सवासह इतर सण-उत्सवावर कोरोनाचे सावट आहे. मात्र कोरोना नियमांचे पालन करीत बच्चे कंपनींनी गणरायाला उत्साहाच्या वातावरणात निरोप दिला.