लातूर : कोविड १९ चाचणीत सलग तिसऱ्या दिवशी मंगळवारी जिल्ह्यातील २३ पैकी २३ अहवाल निगेटिव्ह आल्याने मोठा दिलासा मिळाला आहे.
विलासराव देशमुख शासकीय वैद्यकीय विज्ञान संस्थेत २ जून रोजी लातूर जिल्ह्यातील एकुण २३ व्यक्तींचे स्वॅब तपासणीसाठी आले होते. त्यापैकी शहरातील २२ व्यक्तींचे स्वॅब तपासणीसाठी आले होते, ते सर्वच निगेटीव्ह आले आहेत.
दरम्यान उदगीर उपजिल्हा रुग्णालय येथून एका व्यक्तीचा स्वॅब तपासणीसाठी आला होता, तोही निगेटिव्ह आला आहे. असे एकूण २३ व्यक्तींचे स्वॅब तापसणीला आले होते, जे सर्व निगेटिव्ह आल्याची माहिती विषाणु संशोधन व निदान प्रयोगशाळेचे प्रमुख तथा सहयोगी प्राध्यापक सुक्ष्मजीवशास्त्र विभाग डॉ. विजय चिंचोलकर यांनी दिली.