हाळी हंडरगुळी (जि. लातूर) : रस्त्यावरील वाढते अपघात आणि नियमांचे उल्लंघन करणाऱ्यांविरोधात पोलिसांनी मोहीम हाती घेतली आहे. मद्य प्राशन करुन वाहन चालवणाऱ्यांविरुद्ध सुरू असलेल्या विशेष मोहिमेत वाढवणा बु. पोलिस ठाण्याच्या हद्दीतील सहा जणांना उदगीर न्यायालयाने प्रत्येकी पाच हजार रुपयांचा दंड शनिवारी ठोठावला आहे.
वाढवणा बु. पोलिस ठाण्याच्या हद्दीत आणि हाळी हंडरगुळी परिसरात गेल्या काही दिवसांपासून मद्यप्राशन करून वाहन चालवणाऱ्यांच्या तक्रारी वाढल्या होत्या. त्यामुळे होणारे अपघात टाळण्यासाठी पोलिसांनी कडक तपासणी मोहीम हाती घेतली होती. या मोहिमेदरम्यान विकास शंकर जाधव, कमलेश विजयकुमार शिंदे, मगदुम युसूफ पठाण, आनंद बालाजी सूर्यवंशी, सुदर्शन सतिशराव देशमुख, महेश गोपाळराव पाटील हे सहा जण पोलिसांच्या जाळ्यात अडकले.
या सर्वांवर मोटार वाहन अधिनियम १९८८ च्या कलम १८५ नुसार कायदेशीर कारवाई करून त्यांना उदगीर न्यायालयासमोर हजर करण्यात आले होते. शनिवारी न्यायालयाने या प्रकरणाची गांभीर्याने दखल घेत, प्रत्येक आरोपीला ५ हजार रुपयांचा आर्थिक दंड भरण्याचे आदेश दिले.
Web Summary : Udgir court fined six individuals ₹5,000 each for drunk driving following a police crackdown in Hali Handarguli and Wadhavana. The increased enforcement aimed to curb accidents caused by intoxicated drivers, leading to their apprehension and subsequent legal action under the Motor Vehicle Act.
Web Summary : उदगीर अदालत ने हाली हंडरगुली और वाढ़वाना में पुलिस की कार्रवाई के बाद शराब पीकर गाड़ी चलाने के आरोप में छह लोगों पर ₹5,000 का जुर्माना लगाया। नशे में गाड़ी चलाने वालों के कारण होने वाली दुर्घटनाओं को रोकने के उद्देश्य से प्रवर्तन में वृद्धि की गई, जिसके कारण उनकी गिरफ्तारी हुई और मोटर वाहन अधिनियम के तहत कानूनी कार्रवाई की गई।