लातूर शहर वाहतूक शाखेला इंटर सेप्टर व्हॅल डिसेंबर २०१९ मध्ये प्राप्त झाले. तेव्हापासून लातूर शहरातील विविध मार्गासह जिल्ह्यातील वेगवेगळ्या मार्गावर भरधाव वाहनांना आवर घालण्यासाठी वर्षभर कारवाई केली जाते. पाेलीस प्रशासनाकडून करण्यात आलेल्या कारवाईत काेट्यवधींचा दंड ठाेठावण्यात आला आहे. अनेकांवर खटले दाखल करण्यात आला आहे. मात्र, वाहनधारकांच्या वेगाची मर्यादा काही आवाक्यात यायला तयार नाही. भरधाव वाहन चालविणे, निष्काळजीपणे, हयगयपणे वाहन चालविण्यातूनच अपघाताच्या घटना घडत आहेत. डिसेंबर २०१९ ते ऑगस्ट २०२१ या कालवधीत माेठ्या प्रमाणावर पाेलीस पथकांनी कारवाई करण्यात आली आहे.
धावत्या वाहनाची माेजली जाते वेगमर्यादा...
लातूर शहर वाहतूक नियंत्रण शाखेला प्राप्त झालेल्या इंटर सेप्टर व्हॅन आणि ओव्हर स्पीड गनच्या माध्यमातून धावणाऱ्या वाहनांची वेगमर्यादा माेजली जाते. ज्यांनी निर्धारित वेगमर्यादा ओलांडाली आहे, त्यांच्यावर दंडात्मक कारवाई केली जाते. शिवाय, काही वाहनांवर खटलेही दाखल केले जातात. जवळपास ५०० मीटर अंतरावरील वाहनांचा वेग या व्हॅनद्वारे, ओव्हर स्पीड गनद्वारे माेजता येते.
एसएमएसवर मिळते पावती...
वाहनधारकांना ऑनलाइन दंड केल्यानंतर एका एसएमएसवर संबंधितांना पावती, मेसेज मिळताे. यातून त्यांना ताे ई-चालानची रक्कम भरावी लागते. जर एखाद्याने दंडाची रक्कम नाही भरली तर त्यांच्या नावावर, वाहनावर थकबाकी दाखविण्यात येते. दंडातून वाहनधारकांची सुटका मात्र नाही, असे सूत्रांनी सांगितले आहे.
असा केला ठोठावला दंड...
जानेवारीमध्ये १ हजार ५२ वाहनधारकांना ९ लाख ६१ हजार ५०० रुपयांचा दंड करण्यात आला. फेब्रुवारी - ५३९ वाहनांना ५ लाख ३५ हजार ९००, मार्च - १ हजार ११४ वाहनांना ११ लाख १२ हजार ५००, एप्रिल - १ हजार ३९७ वाहनांना १३ लाख ८६ हजार ५००, मे महिन्यात १ हजार ५०५ वाहनधारकांना १४ लाख ७६ हजार ५००, जून - २ हजार २९२ वाहनांना २२ लाख ६१ हजार ५००, जुलै महिन्यात १ हजार ६७७ वाहनांना १५ लाख ८६ हजार ५०० आणि ऑगस्ट महिन्यात १ हजार ५५९ वाहनांना १४ लाख ७९ हजार ५०० रुपयांचा दंड करण्यात आला आहे.