Latest Marathi News

सांगली : आटपाडी तालुक्यातील पिंपरी खु. येथे या उन्हाळ्यात जिल्ह्यातील पहिला पिण्याच्या पाण्यासाठी टँकर सुरू करण्यात आला आहे. तसेच सात विहिरी व कूपनलिकांद्वारे खानापूर आणि शिराळा तालुक्यातील पाच गावांना पाणीपुरवठा केला जात आहे. भविष्यात टंचाई आणखी तीव्र होऊ नये, म्हणून जिल्हा प्रशासनाने ४ कोटी ८० लाख रुपयांचा टंचाई आराखडा तयार करून त्यास मंजुरी दिली आहे.जिल्हा परिषद मुख्य कार्यकारी अधिकारी विशाल नरवाडे व ग्रामीण पाणीपुरवठा विभागाचे कार्यकारी अभियंता संजय येवले म्हणाले की, जिल्ह्यात पाणीटंचाईच्या समस्येवर मात करण्यासाठी जिल्हा परिषद ग्रामीण पाणीपुरवठा विभाग सज्ज झाला आहे. जिल्ह्यात एकूण ६६ टँकर तसेच १२६ विहिरींचे अधिग्रहण व नऊ विंधन विहिरी घेण्यात येणार आहेत. या उपाययोजनांसाठी सुमारे ४ कोटी ८० लाख ४८ हजार रुपयांचा संभाव्य पाणीटंचाई कृती आराखडा तयार आहे. सद्यस्थितीत जिल्ह्यात एक टँकर व सात विहिरी / कूपनलिकेद्वारे पाणीपुरवठा केला जात आहे. ग्रामीण भागात नागरिकांना सुरळीत पाणीपुरवठा व्हावा यासाठी मागणीनुसार आणि आवश्यकतेनुसार टँकर सुरू करणे तसेच विहिरींचे अधिग्रहण करण्याचे नियोजन प्रशासनाकडून करण्यात येत आहे. सध्या खानापूर तालुक्यातील रेवणगाव आणि ऐनवाडी येथे प्रत्येकी दोन कूपनलिका अधिग्रहित करण्यात आल्या आहेत. तसेच शिराळा तालुक्यातील बांबवडे येथे एक कूपनलिका तर करमाळे येथे एक कूपनलिका आणि एक विहीर अधिग्रहित करण्यात आली आहे. अशा प्रकारे एकूण सात कूपनलिका आणि विहिरींचे अधिग्रहण केले आहे. आटपाडी तालुक्यातील पिंपरी खु. (चव्हाण वस्ती) येथे एक शासकीय टँकर सुरू केला आहे.

मागील ११४ वर्षांपासून सुरू असलेली बल्लारपूर पेपर मील म्हणजे विदर्भाचे वैभव आहे. ...

दोघांना कोठडी : आरोपींची संख्या झाली सहा ...

कर्जाच्या खाईत सापडलेल्या शेतकऱ्यांना दिलासा देण्यासाठी कर्जमाफीची जोरदार मागणी अधिवेशनात सुरू आहे. ...

मराठा समाजाचा होणार अभ्यास; धारवाडमधील मराठा विद्या प्रसारक मंडळाचा पाठपुरावा ...

खिद्रापुरे कोठडीत : आणखी एका औषध विक्रेत्यास अटक; कोल्हापूर जिल्ह्यातील तीन डॉक्टरांचे ‘रॅकेट’ निष्पन्न ...

जि.प. स्थायी समिती सभा : पदाधिकाºयांनी घेतली आरोग्य विभागाची झाडाझडती ...

पथराड परिसर गजबजला : शोधकार्यासाठी ताफा तळ ठोकून ...

प्रलंबित मागण्या पूर्ण कराव्या यासाठी, जिल्हा परिषद शिक्षकांनी गुरूवारपासून साखळी उपोषण सुरू केले. ...