Latest Marathi News

इटलीच्या पंतप्रधान जॉर्जिया मेलोनी कुठल्या ना कुठल्या कारणानं कायम चर्चेत असतात. सध्या त्या वेगळ्याच कारणानं चर्चेच्या केंद्रस्थानी आहेत. अमेरिकेचे राष्ट्राध्यक्ष डोनाल्ड ट्रम्प यांनी त्यांच्यावर नुकतीच टीका केली. दुसरीकडे रशियानंही त्यांच्यावर अपमानास्पद ताशेरे ओढले, पण त्याचा तोटा होण्याऐवजी मेलोनी यांना फायदाच झाला! ‘मजबूत आणि धडाडीच्या नेत्या’ म्हणून इटलीमध्ये त्यांच्या समर्थकांमध्ये वाढ झाली. इतकंच काय, त्यांच्या विरोधकांनीही त्यांना पाठिंबा दिला आहे. तरुणाई तर त्यांच्यामागे खंबीरपणे उभी असलेली दिसते आहे. मेलोनी यांच्यावर झालेल्या टीकेमुळे त्यांची देशांतर्गत आणि अंतरराष्ट्रीय प्रतिमा आणखी मजबूत झाली आहे. त्यांचे राजकीय विरोधकही त्यांच्या समर्थनार्थ मैदानात आले आहेत. ट्रम्प यांच्याशी संघर्ष हा या बदलाची सुरुवात ठरला. ट्रम्प यांनी पोपबाबत केलेल्या त्यांच्या विधानाचा विरोध केल्याबद्दल मेलोनींच्या वक्तव्यांना त्यांनी ‘अस्वीकारार्ह’ म्हटलं. इराणकडे अण्वस्त्र असल्याचं सांगतानाच संधी मिळाल्यास तो दोन मिनिटांत इटलीचा नाश करू शकतो असंही म्हटलं.यावर उत्तर देताना मेलोनी म्हणाल्या, त्यांचं सरकार कोणत्याही बाह्य दबावाखाली काम करत नाही, ना त्यांचा कोणी मालक आहे आणि ना आदेश देणारा कोणी!..अमेरिकेचे राष्ट्राध्यक्ष डोनाल्ड ट्रम्प आणि रशियन माध्यमांच्या तीव्र टिप्पण्यांमुळे इटलीच्या राजकारणाला नवं वळण मिळालं आहे. अमेरिका आणि रशियाचे हे शाब्दिक हल्ले पंतप्रधान जॉर्जिया मेलोनी (४९) यांच्यासाठी नुकसानकारक ठरण्याऐवजी त्यांच्या संरक्षणार्थ ढालीसारखे ठरले आहेत. त्यामुळे जनतेमध्ये असा संदेश गेला की त्यांचं सरकार परदेशी दबावासमोर झुकत नाही. या विधानांनंतर मेलोनींची लोकप्रियता पुन्हा झपाट्यानं वाढत असून त्यांच्या कट्टर विरोधकांनाही राष्ट्रीय सार्वभौमत्वाच्या मुद्द्यावर सरकारच्या समर्थनात उभं राहावं लागलं आहे.दुसऱ्या बाजूला, रशियन टीव्ही विश्लेषक व्लादिमीर सोलोव्योव्ह यांनी अपमानास्पद टिप्पणी करत मेलोनी यांना युक्रेन समर्थक असल्याचं आणि ट्रम्पपासून अंतर ठेवणं म्हणजे विश्वासघात असल्याचं म्हटलं. या विधानानंतर इटली सरकारनं रशियन राजदूतांना बोलावून निषेध नोंदवला. विशेष म्हणजे राजकीय मतभेद असूनही राष्ट्राध्यक्ष सर्जियो मत्तारेला आणि विरोधी पक्षनेत्या एली श्लाइन यांनीही सरकारच्या समर्थनात भूमिका घेतली. यामुळे देशांतर्गत राजकारणात एकजुटीचा संदेश गेला. त्यांनी इस्रायलसोबतच्या संरक्षण कराराच्या स्वयंचलित नूतनीकरणाला थांबवण्याचा निर्णय घेतला आणि जिथे मतभेद असतील तिथे त्यानुसार पावलं उचलली जातील असं स्पष्ट केलं. हा दृष्टिकोन देशांतर्गत पातळीवर अतिशय प्रभावी ठरला. आधी ट्रम्प यांच्याशी जवळीक असल्यामुळे त्यांच्यावर टीका होत होती, मात्र आता त्या दबावाखाली झुकत नाहीत अशी धारणा निर्माण झाली आहे. जनमत चाचण्यांमध्ये घट झाल्यानंतर त्यांची लोकप्रियता पुन्हा जुन्या पातळीच्या जवळ पोहोचताना दिसत आहे. यानिमित्तानं मेलोनी यांच्या बालपणीच्या घटनाही व्हायरल होत आहेत. १९९२ मध्ये इटलीमध्ये माफियांकडून न्यायाधीश बोर्सेलिनो यांची हत्या झाली होती. या घटनेनं त्यावेळी १५ वर्षांच्या मेलोनींचा प्रचंड संताप झाला होता. त्याच रागातून त्या थेट यूथ फ्रंटच्या कार्यालयात गेल्या आणि राजकारणात प्रवेश केला. याशिवाय मायकेल जॅक्सनच्या गाण्यांमधून त्या इंग्रजी भाषा शिकल्या. तणावाच्या काळात मुलीसोबत नृत्य करणं आणि २७ वर्षांपासून तोच फोन नंबर ठेवणं या गोष्टींनीही लोकांना प्रभावित केलं आहे.

Latest Marathi News

रेडिऑलॉजी विभागाचा महत्त्वपूर्ण निर्णय; १ ऑगस्टपासून सुरुवात ...

दिल्लीतील यमुना नदीच्या पाण्याची पातळी हळूहळू कमी होत असली तरी ती धोक्याच्या चिन्हावरुन वाहत आहे. ...

अकरावीच्या ६० टक्क्यांहून अधिक जागा रिक्त; मुंबई-पुण्यात सर्वाधिक ...

उच्च न्यायालयाचे केंद्रावर ताशेरे ...

साेडून गेलेल्यांना परत आणण्याचे प्रयत्न ...

शरद पवारांचा सवाल : अजित पवारांनी आमदारांसह घेतली भेट ...

सोनिया गांधींच्या नेतृत्वात होणाऱ्या या महाबैठकीत अनेक शंकाचे निराकरण केले जाईल. ...

श्रीलंका सर्वबाद ३१२, पाकिस्तानचा अर्धा संघ २२१ धावांत माघारी ...

टाचेच्या दुखापतीतून सावरत सिंधूने पाच महिन्यांनी बॅडमिंटन कोर्टवर पुनरागमन केले ...

Priyanka Chopra birthday :वयाच्या १८व्या वर्षात मिस वर्ल्ड बनली प्रियंका चोप्रामध्ये २३ वर्षांत प्रचंड बदल झाला आहे. ...