कोल्हापूर : देशातील विविध कामगार कायद्यांपैकी काही कायद्यांमध्ये केंद्र शासनाने बदल आणि सुधारणा केल्या आहेत. त्या कारखानदार, उद्योजकांनी समजून घ्यावेत, असे आवाहन ॲड. अभय नेवगी यांनी शनिवारी येथे केले.
येथील कोल्हापूर इंजिनिअरिंग असोसिएशन, स्मॅक, गोशिमा, आयआयएफ, कोल्हापूर चेंबर ऑफ काॅमर्स अँड इंडस्ट्रीज, सीआयआय, मॅक-कागल यांच्यावतीने आयोजित चर्चासत्रात ते बोलत होते. इंजिनिअरिंग असोसिएशनच्या सभागृहातील चर्चासत्रामध्ये ॲड. नेवगी यांनी कारखानदार, उद्योजकांना पाॅवरपाॅइंट प्रेझेंटेशनद्वारे मार्गदर्शन केले. राज्य सरकारने या कामगार कायद्यातील बदल स्वीकारलेले नाहीत. त्याबाबत उद्योजक, कारखानदारांच्या काही सूचना, मते, समस्या असतील, तर त्यांनी त्या नोंदवाव्यात, असे आवाहन ॲड. नेवगी यांनी केले. ऑक्युपेशनल सेफ्टी हेल्थ ॲण्ड वर्किंग कंडशिन कोड २०२०, सोशल सिक्युरिटी कोड २०२०, तसेच कोड ऑन वेजेस २०१९ आदी नवीन कायद्यांची त्यांनी माहिती दिली. उद्योजकांनी विचारलेल्या प्रश्नांची उत्तरे त्यांनी दिली. यावेळी श्रीकांत पोतनीस, एम. वाय. पाटील, प्रताप पुराणिक, प्रसन्न तेरदाळकर, कमलाकांत कुलकर्णी, श्रीकांत दुधाणे, बाबासाहेब कोंडेकर, सोहन शिरगावकर, आर. बी. थोरात, कुशल सामाणी, राजेंद्र डुणुंग, किरण चरणे, संजय पाटील, मोहन पंडितराव आदी उपस्थित होते. सचिन शिरगावकर यांनी प्रास्ताविक केले. इंजिनिअरिंग असोसिएशनचे अध्यक्ष रणजित शाह यांनी स्वागत केले. सचिव दिनेश बुधले यांनी आभार मानले.
चौकट
इंडस्ट्रीय रेलेशन कोड अस्तित्वात
मिनिमम वेजिस ॲक्ट (१९४८), पेमेंट ऑफ बोनस ॲक्ट (१९६५), पेमेंट ऑफ वेजिस ॲक्ट (१०३६) या कायद्यांच्या एकत्रीकरणातून इंडस्ट्रीय रेलेशन कोड २०२० अस्तित्वात आला आहे. इंडस्ट्रीयल एम्लॉईमेंट स्टॅण्डिंग ऑर्डर ॲक्ट (१९४६), इंडस्ट्रीयल डिस्प्युट ॲक्ट (१९४७), ट्रेड युनिटन ॲक्ट (१९२६) हे तिन्ही कायदे एकत्र केले असल्याचे ॲड. नेवगी यांनी सांगितले.
फोटो (१४०२२०२१-कोल-कामगार चर्चासत्र) : कोल्हापुरात शनिवारी इंजिनिअरिंग असोसिएशनच्या सभागृहात उद्योजकांच्या विविध संघटनांनी संयुक्तपणे आयोजित कामगार कायद्याबाबतच्या चर्चासत्रात ॲड. अभय नेवगी यांनी मार्गदर्शन केले.