लक्षतीर्थ वसाहतीमध्ये मारहाणीत दोघे जखमी

पोलिसांनी दिलेली माहिती अशी की, महमंद महात व हेमंत तांबेकर हे दोघे परिसरातील किराणा दुकानाच्या दारात उभे होते. दरम्यान तेथे त्यांचा एक मित्र तेथे आला, त्याने आपल्या दुचाकीवर महात व तांबेकर यांना बसवले. पुढे त्यांना आयडियल कॉलनी परिसरात संशयित सागर भाटे व राजू नदाफ या दोघांनी अडविले. त्यावेळी त्यांनी त्यांना नदाफ यांचे मांजर कुठे आहे? याची विचारणा केली. पण ते माहीत नसल्याचे महात यांनी सांगितले. याच कारणातून सागर व राजू या दोघांनी त्यांना काठीने बेदम मारहाण केली. या मारहाणीत दोघेही जखमी झाले. याबाबत तक्रारीवरून करवीर पोलीस ठाण्यात सागर व राजूवर गुन्हा दाखल करण्यात आला.

(तानाजी)