शिरोळ : जांभळी (ता. शिरोळ) येथील जिम ट्रेनर संदीप भाऊसाहेब पाटील (वय ४३) याच्या खूनप्रकरणी पोलिसांनी गुरुवारी रात्री इचलकरंजी येथील तिघा आरोपींना अटक केली. मुकेश बाळू जावेर (वय ३२, रा. दत्तनगर, शहापूर), रवींद्र रतन कांबळे (३५, रा. आंबेडकर नगर) व रतन मोहन कांबळे (३३, रा. शास्त्री सोसायटी) अशी आरोपींची नावे आहेत. दरम्यान, खून नेमका कोणत्या कारणातून झाला याचा लवकरच उलगडा होईल, अशी माहिती पोलिसांनी दिली.
जांभळी येथील संदीप पाटील यांचा बुधवारी रात्री जयसिंगपूर-जांभळी मार्गावरील कुरडे मळ्याजवळ दबा धरून बसलेल्या हल्लेखोरांनी त्यांच्या डोक्यात लोखंडी रॉडने वर्मी वार करून खून केला होता. घटनेनंतर संशयित पळून जाण्याच्या प्रयत्नात असताना त्यांची चारचाकी गाडी रस्त्याच्या कडेला असलेल्या चरीत अडकल्याने गाडी सोडून अंधाराचा फायदा घेत ते पसार झाले होते.
पोलिसांनी कारच्या मालकाचा शोध घेऊन तपास यंत्रणा राबवली. चार पथकांद्वारे संशयितांची शोध मोहीम राबविण्यात आली. खुनाच्या घटनेत चौघांचा समावेश असल्याची माहिती पुढे आली. त्यातील तिघा आरोपींना रात्री अटक केली असून नेमका खून कोणत्या कारणातून झाला याचा तपास सुरू असल्याची माहिती पोलिस निरीक्षक प्रवीण खानापुरे यांनी पत्रकारांना दिली.
चोवीस तासांत आरोपी गजाआड
घटनास्थळी मिळालेल्या कारवरून संशयितांपर्यंत पोहोचण्यात पोलिसांना यश मिळाले. आरोपींनी हे वाहन भाड्याने घेतले होते. पोलिस अधीक्षक योगेश कुमार, पोलिस उपअधीक्षक अमोल ठाकूर यांच्या मार्गदर्शनाखाली पोलिस निरीक्षक प्रवीण खानापुरे, पोलिस उपनिरीक्षक गिरीश शिंदे यांच्यासह कर्मचाऱ्यांनी गुन्हा उघडकीस आणला.
Web Summary : Police arrested three Ichalkaranji residents within 24 hours for the murder of gym trainer Sandeep Patil in Jambhali. The suspects were caught after their getaway car got stuck. Police are investigating the motive behind the crime. The swift action led to the arrest.
Web Summary : जांभली में जिम ट्रेनर संदीप पाटिल की हत्या के मामले में पुलिस ने 24 घंटे के भीतर इचलकरंजी के तीन निवासियों को गिरफ्तार किया। संदिग्धों को उनकी भागने वाली कार के फंसने के बाद पकड़ा गया। पुलिस अपराध के पीछे के मकसद की जांच कर रही है। त्वरित कार्रवाई से गिरफ्तारी हुई।