मलकापूर : मलकापूर येथे रस्त्याकडेला उभ्या असलेल्या जीप व बोलोरो गाडीला भरधाव टँकरने जोराची धडक दिल्यामुळे जीपजवळ उभ्या असलेल्या एकाचा मृत्यू झाला. नथुराम शंकर गायकवाड (वय ३५, रा. निनाई परळे, ता. शाहूवाडी ) असे मृत तरुणाचे नाव आहे. या अपघातात दोन्ही गाड्याचे मोठे नुकसान झाले आहे .
अधिक महिती अशी, रत्नागिरीहून चालक सूरज सुहास आवळे ( रा. खानबाग, जि. सांगली ) हे टँकर घेऊन( क्रमांक एमएच १४ जी ९१९७) मिरज डेपोकडे जात होता. मलकापूरजवळ भरधाव टँकरने रस्त्याकडेला उभ्या असलेल्या जीप व बोलेरो गाडीला जोराची धडक दिली. जीपजवळ नथुराम गायकवाड उभा होता. त्यांच्या अंगावर जीप पलटी होऊन त्या तो गंभीर जखमी झाला. त्याला मलकापूर ग्रामीण रुग्णालयात दाखल करण्यात आले असता वैद्यकीय अधिकाऱ्यांनी त्याना मृत घोषित केले. पोलिसांनी टँकर चालक याला ताब्यात घेण्यात आले. टँकर चालक सूरज आवळे याने मद्यपान केले होते. मृत नथुराम गायकवाड यांच्या मृतदेहाचे शवविच्छेदन करून मृतदेह रात्री उशिरा नातेवाइकांच्या ताब्यात देण्यात आला. त्यांच्या पश्चात आई,भाऊ असा परिवार आहे. अधिक तपास पोलीस निरीक्षक विजय पाटील करीत आहेत.
फोटो १९ नथुराम शंकर गायकवाड
२) कोल्हापूर - रत्नगिरी महामार्गवर मलकापूरजवळ उभ्या असलेल्या दोन गाड्यांना टँकरने दिलेली जोराची धडक '