कोल्हापूर शहरात पावसाची हजेरी, सकाळपासून ढगाळ वातावरण

By लोकमत न्यूज नेटवर्क | Published: September 19, 2020 06:38 PM2020-09-19T18:38:11+5:302020-09-19T18:39:11+5:30

कोल्हापूर शहर व जिल्ह्याच्या काही भागांत शनिवारी दुपारी साडेबारा वाजता पावसाने हजेरी लावली. सुमारे अर्धा ते पाऊण तास एकसारख्या सरी कोसळत राहिल्या. अचानक आलेल्या पावसाने नागरिकांची चांगलीच तारांबळ उडाली. दुपारनंतर आकाश स्वच्छ होऊन ऊन पडले.

Presence of rain in Kolhapur city, cloudy weather since morning | कोल्हापूर शहरात पावसाची हजेरी, सकाळपासून ढगाळ वातावरण

कोल्हापूर शहरात शनिवारी दुपारी साडेबारा वाजता जोरदार पाऊस झाला. अचानक आलेल्या पावसाने कामानिमित्त घराबाहेर पडलेल्या नागरिकांची चांगलीच तारांबळ उडाली. (छाया- आदित्य वेल्हाळ)

Next
ठळक मुद्देकोल्हापूर शहरात पावसाची हजेरीसकाळपासून ढगाळ वातावरण : पावसानंतर आकाश स्वच्छ

कोल्हापूर : कोल्हापूर शहर व जिल्ह्याच्या काही भागांत शनिवारी दुपारी साडेबारा वाजता पावसाने हजेरी लावली. सुमारे अर्धा ते पाऊण तास एकसारख्या सरी कोसळत राहिल्या. अचानक आलेल्या पावसाने नागरिकांची चांगलीच तारांबळ उडाली. दुपारनंतर आकाश स्वच्छ होऊन ऊन पडले.

शुक्रवार (दि. १८) पासून जिल्ह्यात ढगाळ वातावरण राहिले. शनिवारी सकाळी आकाश दाटून आले होते. हवेत गारवा जाणवत होता. दुपारी साडेबारा वाजता कोल्हापूर शहरासह जिल्ह्यात काही ठिकाणी जोरदार सरी कोसळल्या.

तब्बल पाऊण तास एकसारखा पाऊस सुरू राहिल्याने पाणीच पाणी झाले. अचानक आलेल्या पावसाने कामानिमित्त घराबाहेर पडलेल्या नागरिकांची तारांबळ उडाली. अनेकांना भिजतच घर गाठावे लागले. त्यानंतर मात्र पाऊस थांबला आणि ऊन पडले.

दरम्यान, शनिवारी सकाळी आठ वाजता संपलेल्या २४ तासांत जिल्ह्यात सरासरी २.२७ मिलिमीटर पाऊस झाला. गगनबावडा तालुक्यात ९.५०, तर शिरोळमध्ये सहा व हातकणंगले तालुक्यात ६.६३ मिलिमीटर पाऊस झाला.


 

Web Title: Presence of rain in Kolhapur city, cloudy weather since morning

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.