कल्याण : आरटीई २५ टक्के ऑनलाईन मोफत शालेय प्रवेश प्रक्रीया कागदपत्रांच्या पडताळणीस मुदतवाढ ८ मे पर्यंत मुदत वाढ देण्यात आली असल्याची माहिती महापालिकेच्या शिक्षण विभागाने दिली आहे. कल्याण पश्चिमेतील बारदान गल्ली गांधी चौकातील कै. शंकरराव झुंझारराव मनपा शाळा क्रमांक एक या पडताळणी केंद्रामध्ये पडताळणी समितीकडून ८ मे पर्यंत कार्यालयीन आणि शासकीय सुटटीचे दिवस वगळून सकाळी १० ते सायंकाळी ५.३० वाजेपर्यंत कागदपत्रांची तपासणी करण्यात येणार आहे.
शासनाचे निर्देशानुसार पालकांनी जी कागदपत्रे ऑनलाईन अर्ज भरताना अपलोड केलेली आहेत तीच मुळ कागदपत्रे तपासणीसाठी ग्राहय धरण्यात येतील. २०२६-२७ या शैक्षणिक वर्षाकरिता ऑनलाईन प्रवेश प्रक्रीया राबविण्यात येत आहे. प्रथम फेरीमध्ये निवड झालेल्या बालकांच्या प्रवेश प्रक्रीयेची सुरुवात१० एप्रिल पासून सुरु आहे. पालकांनी केवळ एसएमएसवर अवलंबून न राहता आरटीईवर बालकाचा अर्ज क्रमांक टाकून अर्जाची स्थिती पाहावी. निवड झालेल्या बालकांच्या प्रवेश निश्चितीसाठी अलॉटमेंट लेटर, हमीपत्र आणि आवश्यक कागदपत्रांची तपासणी करणेसाठी ८ मे पर्यंत मुदतवाढ दिलेली आहे.
निवड झालेल्या बालकांच्या पालकांनी महाराष्ट्र शासन शालेय शिक्षण व क्रीडा विभागाच्या https://rte25admission.maharashtra.gov.in/adm portal/Users/rteindex या RTE PORTAL वर अलॉटमेंट लेटरची प्रिंट काढावी. अलॉटमेंट लेटर आणि प्रवेश प्रक्रीयेकरिता अपलोड केलेली कागदपत्रे मुळ प्रतींसह छायांकित प्रतींचा दोन संच घेऊन पडताळणी केंद्रावर उपस्थित राहून पडताळणी समितीकडून ८ मे पर्यंत मुदतीत कागदपत्रांची तपासणी करुन पात्र बालकांचा प्रवेश निश्चित करावा असे आवाहन शिक्षण विभागाचे प्रशासन अधिकारी भारत बोरनारे यांनी केले आहे.
Web Summary : Kalyan's RTE admission deadline for document verification extends to May 8th. Parents must verify documents at the designated center, ensuring timely admission for eligible children. Check RTE portal for allotment details.
Web Summary : कल्याण में आरटीई प्रवेश के लिए दस्तावेज़ सत्यापन की अंतिम तिथि 8 मई तक बढ़ा दी गई है। माता-पिता को निर्धारित केंद्र पर दस्तावेजों को सत्यापित करना होगा, ताकि पात्र बच्चों का समय पर प्रवेश सुनिश्चित हो सके। आवंटन विवरण के लिए आरटीई पोर्टल देखें।