शेविंग करण्यापासून ते हेअर कटिंगपर्यंत ब्लेडचा वापर केला जातो. ब्लेडच्या मधल्या डिझाइनकडे अनेकदा तुम्ही विशेष लक्ष देऊन पाहिलं सुद्धा असेल. पण प्रत्येक ब्लेडमध्ये एकसारखं डिझाइन का असतं? असा प्रश्न तुम्हाला कधी पडलाय का? वेगवेगळ्या कंपन्यांचे ब्लेड बाजारात उपलब्ध आहेत. पण ब्लेडमध्ये एकसारखंच डिझाइन का असतं? चला जाणून घेऊ या प्रश्नाचं उत्तर...
कुणी केली सुरूवात?
जिलेट कंपनीचा संस्थापक किंग कॅप जिलेटने १९०१ मध्ये आपला सहकारी विलियम निकर्सनसोबत मिळून ब्लेडचं डिझाइन तयार केलं. त्यावेळीही तसंच डिझाइन होतं जसं तुम्ही आता बघता. किंग कॅप जिलेटने डिझाइन तयार केल्यावर त्याचं पेटेंट करून घेतलं आणि १९०४ मध्ये याचं उप्तादन सुरू केलं.
ब्लेडमध्ये का आहे हे खास डिझाइन
१९०१ मध्ये जिलेट ही रेजर आणि ब्लेड तयार करणारी एकुलती एक कंपनी होती. त्यावेळी रेजरमध्ये ब्लेड बोल्टच्या मदतीने फिट करावं लागत होतं. त्यामुळे ब्लेडच्या मधोमध अशाप्रकारचं डिझाइन तयार केलं होतं. सर्वातआधी जिलेटने ब्लू जिलेट नावाने एक ब्लेड तयार केलं होतं. १९०४ मध्ये पहिल्यांदा केवळ १६५ ब्लेड तयार केले होते.
नंतर ब्लेड तयार करणाऱ्या दुसऱ्या कंपनी सुद्धा आल्यात. पण त्यांनीही ब्लेडचं जुनंच डिझाइन कॉपी केलं. कारण कंपन्यांसमोर अडचण ही होती की, त्यावेळी रेजर जिलेट कंपनीचेच येत होते. त्यामुळे त्या रेजरमध्ये ब्लेड फिट बसावं म्हणून डिझाइन तसंच ठेवण्यात आलं.
कशी आली ब्लेडची आयडिया?
१८९० मध्ये जिलेट कंपनीचा संस्थापक किंग कॅप जिलेट बॉटलचं झाकण तयार करणाऱ्या कंपनीमध्ये सेल्समनचं काम करत होता. नोकरीदरम्यान त्याने पाहिले की, लोक झाकणांचा वापर केल्यावर ते फेकून देतात. तरीही इतक्या छोट्या वस्तूमुळे कंपनी चालवली जाते.