लोकमत न्यूज नेटवर्क
जळगाव : जिल्ह्यात १५ ऑगस्टपासून ई-पीक पाहणी कार्यक्रम राबवण्यात येत आहे. यात जिल्ह्यातील बहुतांश शेतकऱ्यांना या योजनेची माहितीच नाही. अनेकांनी हे ॲप डाऊनलोड केलेेले नाही. तसेच ज्यांनी डाऊनलोड केलेले आहे. त्यांना त्याचा वापर कसा करायचा, याची पुरेशी माहिती नाही. यात तलाठी प्रत्येक शेतात जाऊन पिकाचे क्षेत्र नोंदवत आहेत. तसेच हे काम शेतकरीदेखील करू शकतात.
कोट - शेतकऱ्यांनी शेताच्या मध्ये दहा मीटर अंतर जाऊन पिकांचे फोटो काढून ॲपवर अपलोड करायचे आहेत, तसेच त्यांचे क्षेत्र व इतर माहिती त्यावर भरायची आहे. ही माहिती ७/१२ उताऱ्यात पीकपेरामध्ये येईल. तसेच ही माहिती तलाठीदेखील अपलोड करू शकतात - शुभांगी भारदे, उपजिल्हाधिकारी, महसूल
गेल्या काही दिवसांपासून ‘ई-पीक’ पाहणीचा कार्यक्रम राबवला जात आहे. मात्र, त्याबाबत शेतकऱ्यांना पुरेसे प्रशिक्षण दिले गेले पाहिजे. आधीच गावातील अनेक शेतकऱ्यांकडे त्यासाठी लागणारा मोबाईल नाही. त्यामुळे याची माहिती तरी नीट देण्यात यावी.-
- रामचंद्र धनजी पाटील, शेतकरी
‘ई-पीक’ पाहणीसाठी शेतकऱ्यांना माहिती भरायची आहे. त्यासाठी शेतकऱ्यांकडे मोबाईल असणे गरजेचे आहे. त्याशिवाय शेतकऱ्यांना त्या ॲपचा उपयोग करता येणार नाही. तसेच गावस्तरावर योग्य ते प्रशिक्षण दिले गेले पाहिजे.
- अरुण लक्ष्मण पाटील, शेतकरी
कोणत्या तालुक्यात किती
तालुका नोंदणी ॲक्टिव्ह इनॲक्टिव्ह
जळगाव ५१५८ ४८७७ ३१०
भडगाव ५७४१ ५५०८ २३३
मुक्ताईनगर ३८८० ३६४५ २३५
चाळीसगाव १०३०० ९७५७ ५४३
धरणगाव ८६३० ८२७५ ३५५
बोदवड ३२२७ ३०५८ १६९
पारोळा १०१६३ ९७५५ ४०८
रावेर ८८३३ ८४५५ ३७८
भुसावळ ३७७७ ३५५६ २२१
यावल ९७४३ ८९७४ ७६९
पाचोरा १२१२१ ११६२७ ४९४
एरंडोल ६९३३ ६६७३ २६०
अमळनेर १७९६३ १७३२२ ६५१
जामनेर १७९६४ १७२५२ ७१२
चोपडा १३६२६ १३०८० ५४६
एकूण नोंदणी १३८०९८
ॲक्टिव्ह १३१८१४
इनॲक्टिव्ह ६२८४