वालसावंगी परिसरात बेसमुमार वृक्षतोड
वालसावंगी : वालसावंगी व परिसरात सध्या मोठ्या प्रमाणात अवैध वृक्षतोड सुरू आहे. एकीकडे वृक्षांची संख्या घटल्याने पर्यावरणावर मोठा परिणाम झाला आहे. शासन विविध उपक्रम राबवून वृक्षलागवड, संवर्धनासाठी प्रयत्न करीत आहे. तर दुसरीकडे वालसावंगी व परिसरात मोठ्या प्रमाणात वृक्षतोड सुरू आहे. ही वृक्षतोड संबंधित अधिकाऱ्यांनी थांबवावी, अशी मागणी होत आहे.
कुत्र्याच्या हल्ल्यात पंधरा नागरिक जखमी
जालना : तालुक्यातील नेर येथे गत काही दिवसांपासून पिसाळलेल्या कुत्र्याने धुमाकूळ घातला आहे. गावातील जवळपास १५ जणांना कुत्र्याने चावा घेतला असून, त्यांच्यावर रूग्णालयात उपचार करण्यात आले आहेत. नेर व परिसरात मोकाट कुत्र्यांचा वावर वाढला असून, नागरिकांमध्ये भीतीचे वातावरण पसरले आहे. संबंधितांनी कुत्र्यांचा बंदोबस्त करावा, अशी मागणी होत आहे.