शिवरायांच्या पुतळ्याच्या सुशोभिकरणास निधी
देऊळगावराजा : शहरात उभारण्यात येणाऱ्या छत्रपती शिवाजी महाराज पुतळा सौंदर्यीकरणासाठी श्री बालाजी महाराज संस्थानचे विश्वस्त राजे विजयसिंह जाधव यांनी ५१ हजारांचा निधी दिला आहे. यावेळी छत्रपती शिवाजी महाराज स्मारक समितीचे लक्ष्मण कव्हळे, अतिश खराट, संतोष जाधव, अभय दिडहाते, पप्पू लाड, आकाश जाधव, रवी खराट, योगेश खराट यांच्यासह सदस्यांची उपस्थिती होती.
आवक कमी झाल्याने मोसंबीची दरवाढ
जालना : येथील नवीन मोंढ्यातील मोसंबी मार्केटमध्ये येणाऱ्या मोसंबीची आवक मंदावली आहे. त्यामुळे दर १५ ते ३० हजार रुपये प्रतिटन झाले आहेत. आवक नसल्याने मोसंबी मार्केटमध्ये हमाल, प्रतवारी करणाऱ्या कामगारांच्या हातालाही काम नाही. मोसंबीची ने-आण करणाऱ्या वाहनांचीही वर्दळ कमी झाल्याचे चित्र शहरातील नवीन मोंढ्यात दिसून येत आहे.
सेवानिवृत्तीनिमित्त गुलाब पठाण यांचा सत्कार
हसनाबाद : येथील पोलीस ठाण्यात कार्यरत असलेले पोलीस उपनिरीक्षक गुलाब पठाण हे सेवानिवृत्त झाले आहेत. सेवानिवृत्तीनिमित्त पठाण यांचा ठाण्याच्यावतीने उपविभागीय पोलीस अधिकारी इंदरसिंग बहुरे, सहाय्यक पोलीस निरीक्षक संतोष घोडके यांच्या हस्ते सत्कार करून निरोप देण्यात आला. यावेळी कर्मचारी सुभाष चव्हाण, अनिल डुरे, वाघमारे, नागरे, रामचंद्र कुदर, मदन लड्डा, सुरेश लाठी, अशोक पवार, आनंद पवार, हरूण बागवान, कमलाकर गव्हाड, हाजी गफ्फार आदींची उपस्थिती होती.