शनिवारी रात्री वॉशिंग्टन हिल्टन हॉटेलमध्ये 'व्हाईट हाऊस करस्पॉन्डंट्स डिनर' सुरू असताना एका माथेफिरूने केलेल्या गोळीबाराने संपूर्ण हॉलमध्ये घबराट पसरली. शेकडो पत्रकार आणि प्रतिष्ठित पाहुण्यांच्या उपस्थितीत झालेल्या या हल्ल्याने अमेरिकन सुरक्षा यंत्रणेच्या त्रुटी पुन्हा एकदा चव्हाट्यावर आणल्या आहेत. व्हाईट हाऊस करस्पॉन्डंट्स डिनरमध्ये झालेला गोळीबार हा केवळ सुरक्षा व्यवस्थेतील त्रुटींचा विषय ठरला नाही, तर प्रेस सचिव कॅरोलिन लेविट यांच्या विधानामुळे तो आता संशयाच्या आणि चर्चेच्या भोवऱ्यात सापडला आहे.
कार्यक्रमापूर्वी 'रेड कार्पेट'वर पत्रकारांशी बोलताना कॅरोलिन लेविट यांनी राष्ट्राध्यक्ष ट्रम्प यांच्या आगामी भाषणाबद्दल भाष्य केले होते. त्या म्हणाल्या होत्या, की "राष्ट्राध्यक्ष ट्रम्प आज मैदानात उतरण्यासाठी पूर्णपणे तयार आहेत. आजचे त्यांचे भाषण क्लासिक 'डोनाल्ड जे. ट्रम्प' स्टाईलचे असेल. ते विनोदी आणि मनोरंजक असेलच, पण आज रात्री या हॉलमध्ये 'गोळ्या चालतील', त्यामुळे सर्वांनी हे नक्की पाहावे."
नेमकं काय होतं ते विधान?कार्यक्रमापूर्वी एका पत्रकाराशी संवाद साधताना लेविट यांनी राष्ट्राध्यक्ष ट्रम्प यांच्या भाषणाबद्दल उत्सुकता वाढवण्यासाठी एक विधान केले होते. त्या म्हणाल्या होत्या की, "आज रात्री गोळ्या चालतील ". त्यांचा हा संदर्भ ट्रम्प यांच्या आक्रमक आणि रोखठोक भाषणशैलीशी संबंधित होता. दुर्दैवाने, भाषण सुरू असतानाच खरोखर गोळीबार झाला आणि सुरक्षा रक्षकांना ट्रम्प यांना तातडीने मंचावरून हटवावे लागले.
सुरक्षा व्यवस्थेवर प्रश्नचिन्हइतक्या हाय-प्रोफाइल कार्यक्रमात, जिथे सीक्रेट सर्व्हिसचे कडेकोट बंदोबस्त असतो, तिथे हल्लेखोर शस्त्र घेऊन पोहोचलाच कसा? हा आता अमेरिकन सुरक्षा यंत्रणांसाठी चिंतेचा विषय बनला आहे. सध्या या संपूर्ण प्रकरणाची सखोल चौकशी सुरू आहे.
Web Summary : White House Correspondents' Dinner shooting shocked attendees. Press Secretary's pre-event remark, 'bullets will fly,' became an eerie reality. Security flaws exposed, investigation underway.
Web Summary : व्हाइट हाउस कॉरेस्पोंडेंट्स डिनर में गोलीबारी से दहशत। प्रेस सचिव की पूर्व-कार्यक्रम टिप्पणी, 'गोलियाँ चलेंगी,' एक भयानक सच्चाई बन गई। सुरक्षा में खामियां उजागर, जांच जारी।