'पंतप्रधान मोदी कोणाच्याही दबावापुढे झुकणार नाहीत', ट्रम्प यांच्या 'टॅरिफ वॉर'वर व्लादिमीर पुतिन यांनी स्पष्टच सांगितलं

रशियाचे राष्ट्राध्यक्ष व्लादिमीर पुतिन यांनी पंतप्रधान नरेंद्र मोदी यांना पाठिंबा दर्शवला आहे, त्यांनी मोदींचे कौतुक केले. 'मोदी दबावापुढे झुकणारे नेते नाहीत. त्यांनी मोदींच्या नेतृत्वाचे कौतुक केले आणि भारत-रशियाच्या मजबूत संबंधांवर भर दिला.

रशियाचे राष्ट्राध्यक्ष व्लादिमीर पुतिन दोन दिवसांसाठी भारत दौऱ्यावर आले आहेत. त्यांनी एका मुलाखतीमध्ये भारताचे आणि पंतप्रधान मोदींचे कौतुक केले आहे. पुतिन यांनी टॅरिफवर प्रतिक्रिया दिली. अमेरिका भारतावर शुल्क लादून दबाव आणत आहे का? यावर बोलताना पुतिन म्हणाले, पंतप्रधान मोदी दबावापुढे झुकणारे नाहीत.

रशियाचे राष्ट्राध्यक्ष व्लादिमीर पुतिन यांनी हे विधान भारत दौऱ्याच्या पार्श्वभूमीवर केले. मुलाखतीत त्यांना दिल्लीत पंतप्रधान मोदींसोबत झालेल्या द्विपक्षीय चर्चेबद्दल आणि भारत-रशिया संबंधांबद्दलच्या त्यांच्या मतांबद्दल विचारण्यात आले.

पुतिन यांच्या भेटीपूर्वी युरोपने भारताला युद्ध संपवण्याचे आवाहन केले; म्हणाले, ते तुमचे ऐकतात...'

पुतिन यांनी पंतप्रधान मोदींच्या नेतृत्वाचे कौतुक केले. जगाने भारताची ठाम भूमिका पाहिली आहे. भारताला त्यांच्या नेतृत्वाचा अभिमान वाटू शकतो. भारत आणि रशियामधील ९० टक्क्यांहून अधिक द्विपक्षीय व्यवहार यशस्वीरित्या पूर्ण झाले आहेत.

भारत-रशिया सहकार्याची व्यापक व्याप्ती पाहता, हा विषय विशेष चर्चेला पात्र आहे. त्यांनी दोन्ही देशांमधील संबंधांचे कौतुकही केले. रशियाचे अध्यक्ष पुतिन आजपासून दोन दिवसांच्या भारत दौऱ्यावर आहेत. ते आज संध्याकाळी नवी दिल्लीत पोहोचतील आणि नंतर पंतप्रधानांच्या निवासस्थानी जातील, तिथे त्यांच्यासाठी खास जेवणाची व्यवस्था करण्यात आली आहे. शुक्रवारी, ते २३ व्या वार्षिक भारत-रशिया शिखर परिषदेत सहभागी होतील.

युरोपने भारताला युद्ध थांबवण्याचे आवाहन केले

युरोपीय देश भारताला युक्रेन युद्ध संपवण्यासाठी रशियावर दबाव आणण्याचा आग्रह करत आहेत. अमेरिका आणि युरोप भारतावर रशियन तेल खरेदी कमी करण्यासाठी सतत दबाव आणत आहेत, कारण यामुळे पुतिन यांच्या "युद्ध यंत्राला" निधी मिळतो. तर दुसरीकडे आज जगाचे लक्ष मोदी आणि पुतिन यांच्या भेटीवर आहे.

२०२२ मध्ये युद्ध सुरू झाल्यापासून, मोदी आणि पुतिन यांनी १६ वेळा संवाद साधला आहे. २०२२ ते २०२४ दरम्यान ११ वेळा आणि २०२५ मध्ये फक्त पाच वेळा. सप्टेंबर २०२२ मध्ये उझबेकिस्तानमधील समरकंद येथे झालेल्या एससीओ शिखर परिषदेदरम्यान, पंतप्रधान मोदींनी प्रथम पुतिन यांना सांगितले, "आज युद्धाचा काळ नाही." जुलै २०२४ मध्ये मॉस्को भेटीदरम्यान, मोदींनी पुनरुच्चार केला, "युद्धभूमीवर उपाय सापडत नाहीत."