Pakistan Plane Crash : 'आगीचे लोट, असंख्य किंकाळ्या अन्...', दुर्घटनेतून बचावलेल्या 'त्याने' सांगितलं नेमकं काय घडलं?
By ऑनलाइन लोकमत | Published: May 23, 2020 01:27 PM2020-05-23T13:27:02+5:302020-05-23T15:06:46+5:30
Pakistan Plane Crash : लाहोरहून कराचीला जाणारं हे विमान कराची विमानतळावर उतरण्याच्या आधी अपघातग्रस्त झालं. या भीषण विमान अपघातातून मोहम्मद झुबेर थोडक्यात बचावले आहेत.
Pakistan Plane Crash : 'आगीचे लोट, असंख्य किंकाळ्या अन्...', दुर्घटनेतून बचावलेल्या 'त्याने' सांगितलं नेमकं काय घडलं?
कराची - पाकिस्तानामध्येविमानाचा भीषण अपघात झाला असून यामध्ये तब्बल 97 जणांचा मृत्यू झाला असून दोन जण यातून वाचले आहेत. लाहोरहून कराचीला जाणारं हे विमान कराची विमानतळावर उतरण्याच्या आधी अपघातग्रस्त झालं. या भीषण विमान अपघातातून मोहम्मद झुबेर थोडक्यात बचावले आहेत. त्यांनी या अपघाताचा भयावह अनुभव सांगितला आहे. विमान लँडिंगच्या प्रयत्नात असताना कोसळले अशी माहिती या दुर्घटनेतून बचावलेल्या मोहम्मद झुबेर यांनी दिली आहे.
'डोळे उघडले चारही बाजुंना आगीचे लोट दिसत होते. सर्वत्र धुराचे साम्राज्य होते. काहीही दिसत नव्हतं फक्त लोकांच्या सर्व बाजूंनी किंकाळया ऐकू येत होत्या' असा भयावह अनुभव मोहम्मद यांनी सांगितला आहे. तसेच 'वैमानिकाने प्रवाशांना लँडिंग करणार असल्याचं सांगितले. त्यानंतर धावपट्टीच्या दिशेने उतरत असताना विमान कोसळले. मी माझा सीट बेल्ट काढला त्यानंतर मला प्रकाश दिसला. मी त्या दिशेने गेलो. स्वत:चा जीव वाचवण्यासाठी मी 10 फूटावरुन उडी मारली' असं देखील मोहम्मद यांनी सांगितलं आहे.
Pakistan Plane Crash : विमान क्रॅश होण्याच्या काही सेकंद आधीचं CCTV फुटेज; शेवटच्या क्षणी नेमकं काय घडलं?https://t.co/MaN2P8sZlD#PakistanPlaneCrash#Pakistan#PakistanAirCrash
— Lokmat (@MiLOKMAT) May 23, 2020
विमान अपघातातून मोहम्मद झुबेर आणि पाकिस्तानील बँक ऑफ पंजाबचे प्रमुख झफर मसूद बचावले आहेत. बँक ऑफ पंजाबचे सीईओ झफर मसूद यांना फक्त फ्रॅक्चर झाले आहे. त्यांना रुग्णालयात दाखल करण्यात आले असून त्यांची प्रकृती आता स्थिर आहे. एका हिंदी वेबसाईटने याबाबतचे वृत्त दिले आहे. विमान अपघाताचे सीसीटीव्ही फुटेज समोर आले आहे. लाहोरहून कराचीला जाणारे हे विमान पाकिस्तान इंटरनॅशनल एअरलाइन्सचे (पीआईए) होते. विमान रनवेपासून फक्त एक किलोमीटर दूर असताना हा भीषण अपघात झाल्याची माहिती आता समोर आली आहे. विमानतळाजवळ असणाऱ्या रहिवाशी भागात विमान कोसळलं. विमान कोसळल्यानंतर मोठा स्फोट झाला. याच परिसरातील एका इमारतीवरील सीसीटीव्ही फुटेजमध्ये विमान कोसळतानाचे दृष्य कैद झाले आहे. अनेकांनी सोशल मीडियावर हा व्हिडिओ शेअर केला असून तो जोरदार व्हायरल होत आहे.
CoronaVirus News : तब्बल 18 वर्षांनी 'ते' गावी परतले पण ना आई जिवंत होती ना पत्नी...https://t.co/ImFK2Nw3Mu#coronavirus#CoronaUpdatesInIndia#CoronaLockdown
— Lokmat (@MiLOKMAT) May 23, 2020
पाकिस्तान इंटरनॅशनल एअरलाईन्सच्या विमानाला शुक्रवारी (22 मे) भीषण अपघात झाला आहे. विमानतळाजवळ असणाऱ्या रहिवाशी भागात विमान कोसळलं असून यामध्ये तब्बल 97 जणांचा मृत्यू झाला असून दोन जण यातून वाचले असल्याची माहिती मिळत आहे. पीआयएचे हे विमान कॅप्टन सज्जाद गुल उडवत होते. पाकिस्तानातील माध्यमांनी दिलेल्या माहितीनुसार, विमान उतरण्याच्या बरोबर 10 मिनिटे आधी, विमानात तांत्रिक समस्या असल्याचे पायलटने सांगितले होते. यादरम्यान, एअर ट्राफिक कंट्रोल आणि पायलट यांच्यातील अखेरच्या संभाषणाचं रेकॉर्डिंगदेखील समोर आलं आहे. एअरबस ए320च्या पायलटचे रेकॉर्ड झालेले अखेरचे शब्द "विमानाचे इंजिन काम करत नाही," असे होते.
काय सांगता? Google maps मुळे पती-पत्नीत झालं कडाक्याचं भांडण; घेतली थेट पोलिसात धावhttps://t.co/Uy2y21GXD7#GoogleMaps#tamilnad
— Lokmat (@MiLOKMAT) May 23, 2020
महत्त्वाच्या बातम्या
Pakistan Plane Crash : विमान अपघातात 97 ठार, दोघे वाचले; 'ते' भीषण दृश्य CCTV ने टिपले!
CoronaVirus News : तब्बल 18 वर्षांनी 'ते' गावी परतले पण ना आई जिवंत होती ना पत्नी...
काय सांगता? Google maps मुळे पती-पत्नीत झालं कडाक्याचं भांडण; घेतली थेट पोलिसात धाव
CoronaVirus News : आनंदाची बातमी! कोरोनाने थैमान घातलेलं असताना 'ही' आकडेवारी सुखावणारी
कुटुंब रुग्णालयात एकत्र झालं दाखल पण घरी परतली फक्त आई; मन सुन्न करणारी घटना
