जपानमध्ये ७.४ तीव्रतेचा भीषण भूकंप! उत्तर किनारपट्टीला 'सुनामी'चा तडाखा बसण्याची शक्यता; ३ मीटर उंच लाटांचा इशारा

Japan Earthquake April 20 2026: जपानमध्ये ७.४ तीव्रतेचा भीषण भूकंप! उत्तर किनारपट्टीला सुनामीचा इशारा; नागरिकांना तातडीने स्थलांतर करण्याचे आदेश.

टोकियो: जपानच्या उत्तर भागात आज स्थानिक वेळेनुसार सायंकाळी ४:५३ वाजता ७.४ रिश्टर स्केल तीव्रतेचा शक्तिशाली भूकंप झाला. जपान हवामान खात्याने तात्काळ इवाते, आओमोरी आणि होक्काइडो प्रांतातील किनारपट्टी भागासाठी सुनामीचा इशारा जारी केला आहे. समुद्रात सुमारे ३ मीटर (१० फूट) उंचीच्या लाटा उसळण्याची भीती वर्तवण्यात आली असून नागरिकांना तातडीने सुरक्षित ठिकाणी हलवण्याचे आदेश देण्यात आले आहेत.

भूकंपाचा केंद्रबिंदू आणि परिणाम
केंद्रबिंदू: हा भूकंप उत्तर इवाते प्रांताच्या प्रशांत महासागरातील किनारपट्टीवर जमिनीखाली सुमारे १० किमी खोलीवर झाला.

टोकियोमध्येही हादरे: भूकंपाचे हादरे इतके तीव्र होते की, शेकडो किलोमीटर अंतरावर असलेल्या टोकियोमधील उंच इमारतीही हादरल्या.

इशारा: सुनामीच्या लाटा वारंवार किनारपट्टीला धडकू शकतात, त्यामुळे धोका पूर्णपणे टळेपर्यंत किनारपट्टीवर किंवा नद्यांच्या जवळ जाऊ नये, असे आवाहन प्रशासनाने केले आहे.

प्रशासकीय पावले
जपानच्या पंतप्रधान कार्यालयाने या संकटाचा सामना करण्यासाठी तातडीने आपत्ती व्यवस्थापन कक्ष कार्यान्वित केला आहे. २०११ मध्ये जपानमध्ये आलेल्या ९.० तीव्रतेच्या भूकंपाच्या आठवणी या घटनेने ताज्या झाल्या आहेत, ज्यामध्ये १८,५०० हून अधिक लोकांचा मृत्यू झाला होता.