‘जेन-झी’चा विजय! नेपाळमध्ये बालेन शाह राज; अखेर नव्या नेतृत्वाचा उदय

नेपाळमध्ये ‘बालेन’ क्रांती! चार वेळा पंतप्रधान राहिलेल्या ओलींचा पराभव; शाह नवे पंतप्रधान होणार?

काठमांडू : चार वर्षांपूर्वी स्थापन झालेल्या राष्ट्रीय स्वतंत्र पक्षाचे (आरएसपी) अध्यक्ष बालेंद्र ऊर्फ बालेन शाह यांच्या नेतृत्वाखाली आलेल्या राजकीय वादळात नेपाळमध्ये चार वेळा पंतप्रधानपदी राहिलेले के. पी. शर्मा ओली यांच्यासह अनेक दिग्गजांचा पराभव झाला आहे. निवडणूक निकालाचे कल पाहता शाह हेच नेपाळचे नवे पंतप्रधान असतील. ‘जेन-झी’च्या आंदोलनानंतर शाह यांच्या रूपाने नेपाळमध्ये नव्या तरुण नेतृत्वाचा उदय 
झाला आहे.

पंतप्रधान मोदींकडून अभिनंदन

पंतप्रधान नरेंद्र मोदी यांनी नेपाळमध्ये ही निवडणूक यशस्वीपणे पार पडल्याबद्दल सरकार व प्रशासनाचे अभिनंदन केले. लोकशाहीच्या प्रवासात नेपाळसाठी हा गौरवाचा क्षण असल्याचे नमूद करून येथील जनता तसेच नवीन सरकारशी सहकार्याने शांतता, विकास व समृद्धीची नवी शिखरे गाठण्यासाठी भारत कटिबद्ध असल्याचे त्यांनी म्हटले आहे.

सफलतापूर्वक र शान्तिपूर्ण रूपमा निर्वाचन सम्पन्न भएकोमा म नेपालका जनता र सरकारलाई हार्दिक बधाई दिन चाहन्छु। मेरा नेपाली दिदीबहिनी तथा दाजुभाइहरूले आफ्नो लोकतान्त्रिक अधिकार यति जीवन्त रूपमा प्रयोग गरेको देख्न पाउँदा अत्यन्तै खुशी लागेको छ।

यो ऐतिहासिक उपलब्धि नेपालको…

— Narendra Modi (@narendramodi) March 7, 2026