अमेरिकेत जाण्यासाठी बांगलादेशींना १८ लाख रुपयांचा बाँड भरावा लागणार, वर्तन सुधारण्याचाही दिला सल्ला

अमेरिकेत प्रवास करू इच्छिणाऱ्या बांगलादेशी नागरिकांना आता अमेरिकेचा व्हिसा मिळविण्यासाठी १८ लाख बांगलादेशी टकाचा बाँड भरावा लागणार आहे. पाकिस्तानपाठोपाठ आता अमेरिकेने बांगलादेशी नागरिकांवर व्हिसा निर्बंध लादले आहेत.

पाकिस्ताननंतर अमेरिकेने बांगलादेशच्या व्हिसाला मोठा धक्का दिला आहे. आता अमेरिकेत जाणाऱ्या बांगलादेशी नागरिकांना व्हिसा मिळविण्यासाठी अंदाजे १४ लाख रुपये बाँड म्हणून जमा करावे लागतील. यापूर्वी अमेरिकेने पाकिस्तानसह ७५ देशांना स्थलांतरित व्हिसा देण्यावर बंदी घातली होती. यामुळे पाकिस्तानी लोकांना अमेरिकेत स्थायिक होण्यापासून आणि लग्न करण्यापासून रोखले आहे.

ढाका येथील अमेरिकन दूतावासाने सोमवारी जाहीर केले की, B1 आणि B2 व्यवसाय आणि पर्यटन व्हिसासाठी मंजूर झालेल्या बांगलादेशी नागरिकांना आता २१ जानेवारी २०२६ पासून लागू होणारा १५,००० डॉलर्सपर्यंतचा बाँड देणे आवश्यक असेल. १५,००० म्हणजे १३ लाख ६३ हजार रुपये असणार आहे. पण बांगलादेशी टाकामध्ये ही रक्कम १८ लाख ३४ हजार रुपये होतात. सरासरी बांगलादेशी नागरिकासाठी ही एक महत्त्वाची रक्कम आहे.

फक्त दोन तासांसाठी यूएई राष्ट्राध्यक्ष भारतात का आले? जाणून घ्या सुपरफास्ट भेटीमागचं गुपित!

मुलाखतीच्या वेळी रक्कम ठरवली जाणार

बाँडची रक्कम ५,००० डॉलर, १०,००० डॉलर किंवा १५,००० डॉलर असू शकते. व्हिसा मुलाखतीत हे अंतिम केले जाईल.

बाँडची आवश्यकता २१ जानेवारी रोजी किंवा त्यानंतर B1/B2 व्हिसा मिळालेल्या अर्जदारांना लागू आहे. त्या तारखेपूर्वी जारी केलेले वैध B1/B2 व्हिसा धारकांना ही नवीन आवश्यकता लागू होणार नाही, असे निवेदनात म्हटले आहे.

दूतावासाने अर्जदारांना त्यांच्या व्हिसा मुलाखतीपूर्वी कोणतेही बाँड भरू नये असा इशारा दिला आहे. प्रीपेमेंट व्हिसा मंजुरीची हमी देत ​​नाही आणि अशा सेवा देणाऱ्या अनेक तृतीय-पक्ष वेबसाइट घोटाळेबाज असू शकतात असा इशारा दिला आहे. "तुमचे बाँड आगाऊ भरू नका. लवकर पैसे भरल्याने तुम्हाला व्हिसा मिळेल याची हमी मिळत नाही आणि तृतीय-पक्ष साइट घोटाळेबाज असू शकतात. तुमच्या मुलाखतीपूर्वी केलेले कोणतेही पैसे परत करण्यायोग्य नसतील," असे ढाका येथील अमेरिकन दूतावासाने एका पोस्टमध्ये म्हटले आहे.