लखनौ - संघर्षातून स्पर्धा परीक्षेत यश मिळवणाऱ्या अनेक प्रेरणादायी कहाणी आपण ऐकत असतो. त्यात अशीच एक कहाणी विवाहित जोडप्याची आहे. ज्यांनी अलीकडेच सरकारी स्पर्धा परीक्षेत घवघवीत यश मिळवून थेट अधिकारी बनले आहेत. उत्तर प्रदेश लोकसेवा आयोगाचे निकाल समोर आलेत. त्यात मोनाली सिंह आणि आकर्ष खरे या जोडप्यांनी सगळ्यांचे लक्ष वेधून घेतले आहे. मोनाली सिंह तहसीलमध्ये लेखापाल पदावर तैनात होती. तिने लग्नानंतर तिच्या शिक्षणाला नवी दिशा दिली.
मोनालीला मेहनत करताना पाहून पती आकर्ष खरे यानेही पीसीएस परीक्षा देण्याची तयारी सुरू केली. विना कोचिंग संस्था, केवळ ऑफिसमधून घरी आल्यावर शिल्लक असलेला वेळ आणि सेल्फ स्टडीच्या जोरावर या जोडप्याने असं यश पटकावले आहे. जे लाखो युवकांचे स्वप्न असते. मोनाली आता लेखपालहून थेट असिस्टेंट कमिश्नर बनली आहे तर तिचा पती आकर्षची वाणिज्यिक कर अधिकारी पदावर नियुक्त झाली आहे.
कानपूरच्या चकेरी येथे श्याम नगर येथे राहणारी मोनाली सिंह हिचे डिसेंबर २०२२ मध्ये लखनौ येथील आकर्ष खरेसोबत लग्न झाले होते. लग्नाच्या वेळी मोनाली लेखापाल पदावर होती आणि आकर्ष खरे हायकोर्टात अधिकारी होता. साधारणत: लग्नानंतर जबाबदाऱ्या वाढतात आणि शिक्षण मागे पडते. परंतु मोनाली सिंहने याला आपली ताकद बनवले. मोनालीची जिद्द पाहून आकर्षनेही तिला साथ द्यायचे ठरवले आणि दोघेही एकमेकांचे स्टडी पार्टनर बनले. मोनाली नरवाल तहसिलमध्ये लेखापाल म्हणून काम करत होती. काम करत अभ्यास करणे आव्हानात्मक होते. याच वेळी आकर्ष खरे उत्तर प्रदेशची राजधानी लखनौमध्ये आपलं काम सांभाळत होता. दिवसभराच्या थकव्यानंतरही ते दोघे रात्री फोनवर किंवा सुट्ट्यांमध्ये विविध विषयांवर चर्चा करत असत. माझी नोकरी किंवा लग्न हे कधीच अडथळे नव्हते उलट माझे कुटुंब आणि सासरच्या मंडळींनी नेहमीच पुढे जाण्यासाठी प्रेरणा दिली असं मोनालीने सांगितले.
महसूल विभागात लेखापालपदापासून आता असिस्टेंट कमिश्नरपदापर्यंत मोनालीचा प्रवास जीवापाड मेहनतीचा परिणाम आहे. मोनाली सिंह असिस्टेंट कमिश्नर होताच तिच्यासोबत काम करणाऱ्यांनी आनंद व्यक्त केला. मुलीच्या या यशाने आई वडिलांच्या डोळ्यातही आनंदाश्रू आले. योगायोगाने पती-पत्नी दोघांचीही वाणिज्य कर विभागात निवड झाली आहे. मोनाली सहायक आयुक्त म्हणून पदभार स्वीकारतील तर आकर्ष खरे वाणिज्य कर अधिकारी म्हणून आपल्या नवीन कारकिर्दीला सुरुवात करतील. करिअर आणि कुटुंबात संतुलन साधण्याचा प्रयत्न करणाऱ्या लाखो विवाहित जोडप्यांसाठी हे जोडपे आता एक प्रेरणादायी बनले आहे.
Web Summary : Monali and Akarsh, a married couple, cracked Uttar Pradesh civil services exam. Monali, a clerk, became Assistant Commissioner. Her husband, Akarsh, became a Commercial Tax Officer. They balanced work, family, and studies, inspiring many.
Web Summary : मोनाली और आकर्ष, एक विवाहित जोड़े, ने उत्तर प्रदेश सिविल सेवा परीक्षा पास की। मोनाली, एक क्लर्क, सहायक आयुक्त बनीं। उनके पति, आकर्ष, वाणिज्यिक कर अधिकारी बने। उन्होंने काम, परिवार और पढ़ाई में संतुलन बनाया, जो कई लोगों के लिए प्रेरणादायक है।