आरटीपीसीआर चाचणीत हिंगोली परिसरात २४ बाधित आढळले. यामध्ये अष्टविनायकनगर १, रिसाला बाजार १, खटकाळी १, मंगळवारा १, रेल्वे स्टेशन रोड १, बेलदारपुरा १, नाईकनगर १, पलटण ३, शिवाजीनगर १, जामठी १, सरस्वतीनगर १, आनंदनगर १, एनटीसी १, पानकन्हेरगाव १, उमरा १, मंगळवारा १, भोसी, ता.औंढा १, जि.प. कार्यालय ३ यांचा समावेश आहे. सेनगाव परिसरात ९ बाधित आढळले असून यात सेनगाव ६, कहाकर १, सापडगाव १, जयपूर १ यांचा समावेश आहे. वसमत परिसरात ४ बाधित आढळले असून यात पांगरा शिंदे ३, सिंदगी १ यांचा समावेश आहे. आज बरे झालेल्या ७३ रुग्णांना घरी सोडण्यात आले आहे. यात हिंगोली येथील सामान्य रुग्णालयातून २५ जणांना घरी सोडले. तर लिंबाळा येथील कोरोना केअर सेंटरमधून २५जण घरी सोडले. कळमनुरी उपजिल्हा रुग्णालयातून २१ व एक संदर्भित रुग्ण घरी सोडला. औंढा येथील कोरोना केअर सेंटरमधून बरा झालेला एक रुग्ण घरी सोडला.
आज कोरोनाने जिल्हा सामान्य रुग्णालयात दाखल असलेल्या दोन रुग्णांचा मृत्यू झाला आहे. यात कळमनुरी येथील एका ६० वर्षीय वृद्ध महिलेचा तर हिंगोली येथील खुशालनगर भागातील एका ५५ वर्षीय इसमाचा मृत्यू झाला आहे.
आजपर्यंत कोरोनाचे एकूण ४९७४ रुग्ण आढळून आले आहेत. त्यापैकी ४४६७ जण बरे झाल्याने त्यांना डिस्चार्ज देण्यात आला आहे. तर सध्या ४३८ जणांवर उपचार सुरू आहेत. आजपर्यंत ६९ जणांचा कोरोनाने मृत्यू झाला आहे. दाखल असलेल्यांपैकी ३५ रुग्णांची प्रकृती गंभीर असल्याने त्यांना ऑक्सिजनवर ठेवण्यात आले आहे. तर ८ जणांची प्रकृती अतिगंभीर असल्याने त्यांना बायपॅपवर ठेवण्यात आले आहे.
जि.प.पुन्हा तीन विभाग ठप्प
जिल्हा परिषदेत यापूर्वी बांधकाम विभागात दोन रुग्ण आढळले होते. आता पंचायत, सामान्य प्रशासन व पाणीपुरवठा विभागात प्रत्येकी एक रुग्ण आढळल्याने या विभागातील कर्मचारी क्वारंटाईन झाले आहेत. मात्र सोमवारी स्वॅब घेतल्यानंतर बुधवारी अहवाल आले. तोपर्यंत हे कर्मचारी कार्यालयातच काम करीत होते. याची चर्चा जोरात रंगली होती.
स्वॅब घेताना नाकातून रक्त
आज अनेक अधिकारी, कर्मचाऱ्यांनी आरटीपीसीआर चाचणीसाठी नमुने दिले. त्यातच एमपीएससीसाठीची रांगही दुपारनंतर सुरू झाली होती. मात्र सकाळी एका वैद्यकीय अधिकाऱ्याने स्वॅब घेताना योग्य काळजी न घेतल्याने हिंगोलीच्या मुख्याधिकाऱ्यांसह एका उपजिल्हाधिकाऱ्यांच्या नाकातून रक्त आले. या बाबींकडे लक्ष देऊन आरोग्य विभागाने योग्य प्रशिक्षण देण्याची गरज असल्याचे दिसून येत आहे.