ठळक मुद्देगोंदियामध्ये भरधाव कारने दुचाकीला धडक दिल्याने रविवारी भीषण अपघात झाल्याची घटना समोर आली आहे. अपघातात दुचाकीवरील पती-पत्नीचा जागीच मृत्यू झाला आहे.गोंदिया-तिरोडा मार्गावरील अदानी विद्युत प्रकल्पाच्या गेट क्रमांक तीनसमोर हा अपघात घडला.
गोंदिया - गोंदियामध्ये भरधाव कारने दुचाकीला धडक दिल्याने रविवारी (30 डिसेंबर) भीषण अपघात झाल्याची घटना समोर आली आहे. या अपघातात दुचाकीवरील पती-पत्नीचा जागीच मृत्यू झाला आहे. रविवारी सकाळी 11.30 च्या सुमारास गोंदिया-तिरोडा मार्गावरील अदानी विद्युत प्रकल्पाच्या गेट क्रमांक तीनसमोर हा अपघात घडला.
{{#config.logo.enabled}}
{{/allowed}}मिळालेल्या माहितीनुसार, दुचाकीस्वार हे तिरोडा तालुक्यातील गुमाधावडा येथील असून ते गुमाधावडावरून जमुनिया येथे जात होते. दरम्यान मागून येणाऱ्या भरधाव कारने त्याच्या दुचाकीला जोरदार धडक दिली. यामध्ये पती-पत्नीचा जागीच मृत्यू झाला. मृतक पती पत्नीची नावे अद्याप कळू शकली नाही. दरम्यान तिरोडा पोलिसांनी घटनास्थळी पोहचत कारचालकाला ताब्यात घेतले असून याप्रकरणी गुन्ह्याची नोंद करण्यात आली आहे.