१११ वैद्यकीय अधिकाऱ्यांना दिले कार्यमुक्तीचे आदेश

महाराष्ट्र राज्य वैद्यकीय अधिकारी राजपत्रित संघटनन्ेो (मॅग्मो) आपले असहकार कामबंद आंदोलन १ जुलैपासून राज्यस्तरावर सुरू केले. त्याचे पडसाद गोंदिया जिल्ह्यात पडून आरोग्य सेवाही काही

अस्थायी व कंत्राटींचा समावेश : आरोग्य विभागाची कारवाई
गोंदिया : महाराष्ट्र राज्य वैद्यकीय अधिकारी राजपत्रित संघटनन्ेो (मॅग्मो) आपले असहकार कामबंद आंदोलन १ जुलैपासून राज्यस्तरावर सुरू केले. त्याचे पडसाद गोंदिया जिल्ह्यात पडून आरोग्य सेवाही काही प्रमाणात ठप्प पडली होती. या आंदोलनात सहभागी झालेल्या जिल्ह्यातील एकूण १११ वैद्यकीय अधिकाऱ्यांना कार्यमुक्तीचे आदेश देण्यात आले आहेत.
कार्यमुक्त करण्यात आलेल्या या वैद्यकीय अधिकाऱ्यांमध्ये अस्थायी व कंत्राटी वैद्यकीय अधिकाऱ्यांचा समावेश आहे. जिल्हा आरोग्य अधिकारी डॉ. हरिश कळमकर यांनी आपल्या अधिकारक्षेत्रांतर्गत येणाऱ्या एकूण २९ वैद्यकीय अधिकाऱ्यांना कार्यमुक्त केले आहे. यात २८ गट-ब चे अस्थायी वैद्यकीय अधिकारी व एक अस्थायी गट-अ च्या वैद्यकीय अधिकाऱ्याचा समावेश असल्याचे डॉ. कळमकर यांनी सांगितले. तसेच जिल्हा शल्यचिकित्सक डॉ. रवी धकाते यांनी एमकेसीएसच्या अस्थायी व बंधोपत्रीत ४६ वैद्यकीय अधिकाऱ्यांना व एनआरएचएमच्या राष्ट्रीय बाल आरोग्य कार्यक्रमांतर्गत असणाऱ्या एकूण ३६ वैद्यकीय अधिकाऱ्यांना कार्यमुक्तीचे आदेश दिले आहेत.
प्राप्त माहितीनुसार, जिल्हा शल्य चिकित्सकांनी आपल्या अधिकारक्षेत्रांतर्गत असणारे व मॅग्मोच्या आंदोलनात अधिक सक्रिय नसणाऱ्या केवळ सहा वैद्यकीय अधिकाऱ्यांना सोडले आहे. आणि उर्वरीत एकूण ८२ वैद्यकीय अधिकाऱ्यांना कार्यमुक्त केले आहे.
सोमवारी सायंकाळी मॅग्मोचे आंदोलन संपले अशी चर्चा होती. याबाबत गोंदिया मॅग्मोच्या पदाधिकाऱ्यांशी संपर्क साधला असता त्यांनी सांगितले की, अद्याप अधिकृतरित्या आंदोलन संपल्याचे घोेषित झाले नाही. मात्र सोमवारी सायंकाळी ७ वाजतापर्यंत मुंबईवरून काय सूचना मिळतात यावर ते अवलंबून होते. (प्रतिनिधी)