रोहयो मजुराच्या आधार सिडिंगचे काम ९१ टक्के

महात्मा गांधी राष्ट्रीय रोजगार हमी योजनेंतर्गत गडचिरोली जिल्ह्याच्या बाराही तालुक्यात आतापर्यंत एकूण २ लाख

गडचिरोली : महात्मा गांधी राष्ट्रीय रोजगार हमी योजनेंतर्गत गडचिरोली जिल्ह्याच्या बाराही तालुक्यात आतापर्यंत एकूण २ लाख ५० हजार ३१२ मजुरांनी रोहयोच्या कामासाठी आॅनलाईन नोंदणी केली आहे. यापैकी २ लाख २९ हजार ९६२ मजुरांची आधार कार्ड सिडिंग झाली असून या कामाची टक्केवारी ९१.८७ आहे. महाराष्ट्रात इतर जिल्ह्याच्या तुलनेत गडचिरोली जिल्ह्यातील रोहयो मजुरांच्या आधार सिडिंगचे काम प्रगतीपथावर असल्याचे दिसून येते. रोजगार हमी योजनेच्या मजुरांची मजुराची रक्कम त्यांच्या बँक खात्यात जमा केली जाते. यासाठी मजुरांच्या बँक खात्याला आधार कार्ड क्रमांकची सिडिंग करणे अत्यावश्यक आहे. नरेगा विभागाच्या वरिष्ठ अधिकाऱ्यांनी या संदर्भात महाराष्ट्रातील सर्व जिल्ह्याच्या अधिकाऱ्यांना निर्देश देऊन तत्काळ रोहयो मजुराची आधार कार्ड सिडिंग करण्यासाठी सांगितले आहे. गडचिरोली जिल्ह्यात १ लाख ४६ हजार ६९३ मजुरांच्या आधार सिडिंगची पडताळणी नरेगा विभागाच्या वतीने सुरू आहे. बँक खात्यात चुका असल्यामुळे तसेच अनेक मजुरांचे आधार सिडिंग झाले नसल्यामुळे नरेगा विभागाला मजुरांची मजुरी अदा करण्यास अडचण निर्माण होते. यासाठीच मजुरांच्या बँक खात्यांशी आधार कार्ड सिडिंग करण्याची मोहीम राज्य शासनाने हाती घेतली आहे. गडचिरोली जिल्ह्याच्या तुलनेत अहमदनगर, बिड, हिंगोली, जालना, नांदेड, नंदूरबार, नाशिक, परभणी, पुणे, रायगड, सांगली, सोलापूर व ठाणे आदी जिल्ह्यांमध्ये आधार सिडिंगचे प्रमाण कमी आहे. (स्थानिक प्रतिनिधी)नरेगा विभागाच्या दिमतीस ३२ मशीन४गडचिरोली जिल्हा परिषदेच्या नरेगा विभागाकडे रोहयो मजुरांचे आधार सिडिंग करण्यासाठी ३२ मशीन उपलब्ध आहेत. या मशीनच्या आधारे प्रत्येक तालुक्यात आधार सिडिंगचे शिबिर लावले जात आहेत.मजुराच्या आधार सिडिंगचा तपशीलतालुकाआॅनलाईन नोंदणीआधार सिडिंगटक्केवारीअहेरी१४,२४६१२,५४७८८.३५आरमोरी३२,४६१३०,०७८९२.६६भामरागड७,३३९६,०१४८१.९५देसाईगंज१७,१६११७,०६७९९.४५चामोर्शी३४,५५२३३,३४८९६.४९धानोरा३०,१२४२८,०११९२.९९एटापल्ली१३,६३८११,७७८८६.३गडचिरोली२९,००९२५,९००८९.२८कोरची१८,६७५१६,९२६९०.६३कुरखेडा३१,५०९२८,५५५९०.६२मुलचेरा९,८३६९,७०७९८.६९सिरोंचा११,७५२१०,००१८५.१एकूण २,५०,३१२२,२९,९७२९१.८७