शाळा व शिक्षकांच्या समस्यांचे ऑनलाईन निराकरण करा

गडचिरोली जिल्हा विस्ताराने मोठा आहे. शिक्षणाधिकारी कार्यालय, वेतन व भविष्य निर्वाह निधी कार्यालय, लेखाधिकारी कार्यालय हे शाळा कार्यालयापासून खूप अंतरावर आहे. ये-जा करण्यासाठी वाहतूक साधनांची पुरेपूर सुविधा नाही. जिल्ह्यातील मुख्याध्यापक, लिपीक व शिक्षकांना जिल्हा कार्यालयात प्रस्ताव दिल्यानंतर त्रुटींचे निराकरण करण्यासाठी हार्ड कापीचा आग्रह न करता प्रस्ताव ई- मेलद्वारे स्वीकारले जावे. क्षुल्लक कारणासाठी थकीत वेतन, शालार्थ प्रणाली आदी कामांसाठी कर्मचाऱ्यांना जिल्हा कार्यालयात ये-जा करावी लागते. त्यामुळे समस्याचे निराकरण लवकर होत नाही. शिक्षक आमदारांच्या स्थानिक विकास निधीतून महाराष्ट्र राज्य शिक्षक परिषद गडचिरोली जिल्हाध्यक्ष म्हणून प्रत्येक जिल्हा कार्यालयास संगणक व प्रिंटर संच उपलब्ध करून दिले आहेत. त्याचा सदुपयोग करावा जेणेकरून कामे सुलभ होतील व समस्या तत्काळ निकाली लागतील. जास्तीतजास्त कामे ई- मेल, व्हाॅट्सॲपवर करावित, अशा सूचना त्या निर्णयात दिलेल्या आहेत. त्या दृष्टीने पत्रव्यवहार व समस्या ऑनलाईन पद्धतीने स्वीकारण्यात यावे, अशी मागणी महाराष्ट्र राज्य शिक्षक परिषदे जिल्हाध्यक्ष संतोष सुरावार यांनी केली आहे.