आरमोरी तालुक्यात मुख्य व्यवसाय हा शेतीचा आहे. यावर्षी पावसाने सुरुवातीपासूनच हुलकावणी दिल्यामुळे शेतकऱ्यांनी उशिरा धान पिकाची रोवणी केली. मात्र रोवणी केलेल्या धानाची पाहिजे त्या प्रमाणात वाढ झाली नाही. काही ठिकाणी हलका प्रतीचा व कमी मुदतीचा धान निसव्यवर आला आहे. धानाची वाढ खुंटल्यामुळे वाढीसाठी युरिया खताची आवश्यकता असल्याने शेतकरी युरिया खतासाठी कृषी केंद्रामध्ये जात आहेत. मात्र, युरिया खत मिळत नसल्यामुळे पिकांचे कसे होईल याची चिंता शेतकऱ्यांना भेडसावत आहे.
आरमोरी तालुक्यात कोणतेच उद्योगधंदे नसल्यामुळे आपल्या वडिलोपार्जीत असलेल्या शेतीमध्ये जवळपास १९ हजार शेतकरी मुख्य खरीप धान पीक घेऊन वर्षभराचा कृटुबांचा गाळा चालवित असतात. सध्या धानाच्या वाढीकरिता युरिया रासायनिक खताची अत्यंत आवश्यकता आहे. मात्र शासनाकडून पाहिजे त्या प्रमाणात युरिया खत वेळेवर उपलब्ध होत नसल्यामुळे खासगी कृषी केंद्रधारकांकडून युरिया खताची साठवणूक करून खताच्या प्रचंड किमती वाढवून शेतकऱ्यांची आर्थिक लूटमार मोठ्या प्रमाणात केली जात आहे.
बाॅक्स
जास्त दराने युरियाची विक्री
आरमोरी तालुक्यातील खासगी कृषी केंद्रधारक युरिया खत शासकीय दरापेक्षा जास्त म्हणजे ३५० ते ४०० रुपये या चढ्या दराने विक्री करून शेतकऱ्याला हवालदिल करण्याचा प्रयत्न केला जात आहे.
युरिया खत घेताना शेतकऱ्यांना कुठल्या प्रकारचा बिल दिला जात नाही आणि शेतकरी जर विचारले, बिल द्या म्हटले तर त्यांना बिल दिला जात नाही किंवा बिल संपला असे सांगितले जाते.
कोट
सध्या धानाच्या वाढीकरिता युरिया खताची अत्यंत गरज असताना खताचा काळा बाजार खासगी कृषी केंद्रधारकांकडून केला जात आहे. शेतकऱ्याला पर्याय नसल्यामुळे चढ्या भावाने रासायनिक खते विकत घ्यावे लागत आहे. ही मोठी एक शोकांतिका आहे. केंद्र सरकार शेतकऱ्यांच्या नावाने खताची सबसिडी देते. तरीही बेभाव दराने खताची विक्री केली जाते. याची चाैकशी करण्याची गरज आहे.
दिलीप घोडाम, जिल्हा सचिव आदिवासी काॅंग्रेस