गडचिराेली : जून ते ऑक्टाेबर या कालावधीत झालेल्या अतिवृष्टीमुळे ८ हजार ५३९ शेतकऱ्यांच्या ३ हजार ७१६ हेक्टर क्षेत्राचे नुकसान झाले. नुकसानग्रस्त शेतकऱ्यांसाठी शासनाने पुन्हा १ काेटी ८५ लाख ८३ हजार रुपयांचा दुसरा हप्ता उपलब्ध करून दिला आहे.
जिल्ह्यातील पूरग्रस्त शेतकऱ्यांना मदत म्हणून १ काेटी ८५ लाख ८४ हजार रुपयांचा पहिला हप्ता शासनाने दिवाळीपूर्वी दिला हाेता. ४ हजार २७८ शेतकऱ्यांना ही मदत वितरित करण्यात आली. ४ हजार २११ शेतकरी शिल्लक हाेते. शेतकऱ्यांसाठी दाेन दिवसांपूर्वी शासनाने १ काेटी ८५ लाख ८३ हजार रुपयांचा निधी उपलब्ध करून दिला आहे. हा निधी जिल्हास्तरावरून तालुकास्तरावर पाठविला आहे.
बाॅक्स...
निवडणुकीच्या धांदलीने मदत मिळण्यास उशीर
प्राप्त मदत तालुकास्तरावर पाठविली आहे. तालुकास्तरावरील कर्मचारी सध्या निवडणुकीच्या कामात व्यस्त आहेत. त्यामुळे मदतीचे वितरण करण्यास आणखी आठ ते दहा दिवसांचा कालावधी लागण्याची शक्यता नाकारता येत नाही. पुरेसा निधी मिळाल्याने प्रत्येक बाधित शेतकऱ्याला मदत मिळणार आहे.
काेट...
दिवाळीपूर्वी मदत दिली जाईल, असे राज्य शासनाने राज्यातील शेतकऱ्यांना आश्वासन दिले. मात्र, प्राप्त झालेला निधी अर्ध्याच शेतकऱ्यांना वितरित झाला. माझ्या गावातील अर्धे शेतकरी मदतीची प्रतीक्षा करीत हाेते. आता पुन्हा काही मदत प्राप्त झाल्याची माहिती आहे. या मदतीचे वितरण लवकरात लवकर करण्याची गरज आहे. यावर्षी उत्पादन घटल्याने शेतकरी आर्थिक अडचणीत आहे.
- भास्कर तितीरमारे, शेतकरी