आश्रमशाळेत सोयींचा अभाव
By लोकमत न्यूज नेटवर्क | Published: November 8, 2019 06:00 AM2019-11-08T06:00:00+5:302019-11-08T06:00:41+5:30
आश्रमशाळेचे स्वयंपाकगृह ज्या ठिकाणी आहे, तेथे विद्यार्थ्यांसाठी भोजन तयार केले जाते. धान्याचे गोदाम आदींची पाहणी केली. तिथे असलेल्या धान्य, कडधान्य व डाळीचे नमुने घेण्यात आले. प्रत्यक्ष विद्यार्थी व विद्यार्थिनींशी चर्चा करून त्यांच्याकडून समस्या जाणून घेण्यात आल्या.
लोकमत न्यूज नेटवर्क
एटापल्ली : एटापल्लीत नव्याने रूजू झालेले उपविभागीय अधिकारी तथा आदिवासी विकास प्रकल्पाचे प्रकल्प अधिकारी मनूज जिंदाल व तहसीलदार सुभाष यादव यांनी ५ नोव्हेंबर रोजी तालुक्यातील जारावंडी येथील शासकीय आश्रमशाळेला भेट देऊन तेथील सोयीसुविधांची पाहणी केली. यावेळी त्यांना सदर आश्रमशाळेत विविध सोयीसुविधांचा अभाव असल्याचे दिसून आले.
आश्रमशाळेचे स्वयंपाकगृह ज्या ठिकाणी आहे, तेथे विद्यार्थ्यांसाठी भोजन तयार केले जाते. धान्याचे गोदाम आदींची पाहणी केली. तिथे असलेल्या धान्य, कडधान्य व डाळीचे नमुने घेण्यात आले. प्रत्यक्ष विद्यार्थी व विद्यार्थिनींशी चर्चा करून त्यांच्याकडून समस्या जाणून घेण्यात आल्या.
पुरेसा आहार मिळतो का? शिक्षक वर्गात वेळेवर उपस्थित राहतात का? सर्व तासीका घेतल्या जातात का? आदी प्रश्न विचारून अधिकाऱ्यांनी विद्यार्थ्यांकडून सदर आश्रमशाळेची स्थिती जाणून घेतली. शिक्षकांशीही चर्चा करून अधिकाऱ्यांनी त्यांच्या अडीअडचणी यावेळी जाणून घेतल्या.
वसतिगृहाचे काम करून रिक्त पदे भरणार
जारावंडी येथील शासकीय आश्रमशाळेच्या परिसरात वसतिगृहाचे काम सुरू असून हे काम वेळेत पूर्ण करण्यात येईल. रात्रीपाळीसाठी चौकीदाराची व्यवस्था करण्यात येईल. तसेच सदर शाळेत शिक्षक व कर्मचाºयांची रिक्त पदे भरण्यासाठी वरिष्ठांकडे पाठपुरावा करण्यात येईल, अशी ग्वाही प्रकल्प अधिकारी जिंदाल यांनी यावेळी दिली.